Dil Shayari

Ye shishe ye sapne ye rishte ye dhage
kise kya khabar hai kahan toot jayen
muhabbat ke dariya mein tinake wafa ke
na jane ye kis mod par dub jayen
ajab dil ke basti ajab dil ke vadi
har ek mod mausam nai khvahishon ka
lagaye hain hum ne bhi sapanon ke paudhe
magar kya bharosa yahan barishon ka
muradon ke manzil ke sapanon mein khoye
muhabbat ke rahon pe hum chal pade the
zara dur chal ke jab aankhen khuli to
kadi dhup mein hum akele khade the
jinhen dil se chaha jinhen dil se puja
nazar aa rahe hain wohi ajanabi se
ravayat hai shayad ye sadiyon purani
shikayat nahi hai koi zindagi se

 0 People liked it

Han dil-e-dardmand zam-zama saz
kyun na khole dar-e-khazina-e-raz
khame ka safhe par ravan hona
shakh-e-gul ka hai gul-fishan hona
mujh se kya puchata hai kya likhiye
nuqta haye khiradafishan likhiye
bare, aamon ka kuch bayan ho jaye
khama nakhle ratabafishan ho jaye
aam ka kon mard-e-maidan hai
samar-o-shakh, guve-o-chaugan hai
tak ke jee mein kyun rahe arman
aaye, ye guve aur ye maidan!
aam ke aage pesh jave khak
phodata hai jale phaphole tak
na chala jab kisi tarah maqadur
bada-e-nab ban gaya angur
ye bhi nachar jee ka khona hai
sharm se pani pani hona hai
mujhase pucho, tumhen khabar kya hai
aam ke aage neshakar kya hai
na gul us mein na shakh-o-barg na bar
jab khizan aaye tab ho us ke bahar
aur daudaie qayas kahan
jan-e-shirin mein ye mithas kahan
jan mein hoti gar ye shirini
‘kohakan' bavajud-e-gamgini

 0 People liked it

Husn-e-beparavah ko khudbib-o-khudara kar diya
kya kiya main ne ki izahar-e-tamanna kar diya
bad gayin tumase to milakar aur bhi betabiyan
hum ye samajhe the ki ab dil ko shakeba kar diya
padake tera khat mere dil ke ajab halat hui
iztarab-e-shauq ne ek hashr barpa kar diya
hum rahe yan tak teri khidmat mein sargarm-e-nayaz
tujh ko aakhir aashana-e-naz-e-beja kar diya
ab nahi dil ko kisi surat kisi pehlu qarar
is nighat-e-naz ne kya sahir aisa kar diya
ishq se tere bade kya kya dilon ke martabe
mahr zarron ko diya qatron ko dariya kar diya
teri mahafil se uthta gair mujhko kya majal
dekhata tha main ki tune bhi ishara kar diya
sab galat kahate the lutf-e-yar ko wajah-e-sukun
dard-e-dil is ne to ‘hasrat' aur duna kar diya

 0 People liked it

Mere dil mein tu hi tu hai dil ke dawa kya karun
dil bhi tu hai jan bhi tu hai tujhape fida kya karun
khud ko khokar tujh ko pa kar kya kya mila kya kahun
tera hoke jine mein kya kya aaya maza kya kahun
kaise din hain kaisi raten kaisi fiza kya kahun
meri hoke tune mujhko kya kya diya kya kahun
meri pehlu mein jab tu hai phir main dua kya karun
dil bhi tu hai jan bhi tu hai tujhape fida kya karun
hai ye duniya dil ke duniya milake rahenge yahan
lutenge hum khushiyan har pal dukh na sahenge yahan
armanon ke chanchal dhare aise bahenge yahan
ye to sapanon ke jannat hai sab hi kahenge yahan
ye duniya mere dil mein basi hai dil se juda kya karun
dil bhi tu hai jan bhi tu hai tujhape fida kya karun

 0 People liked it