Dil Shayari

Dil Shayari - A large collection of Dil Shayari. We and our regular valuable users regularly add their shayari into Dil Shayari category as well as in other various shayari categories. So We have a best and huge collection of Dil Shayari and other shayari messages from various shayari categories in various language.

  
Post Dil Shayari
Name:
Email:
Category:
Shayari :

Enter the code below shown above

List of Dil Shayari

Showing Dil Shayari 221 - 230 of 523, Page 23 of 53 pages.

Kati hai gham ke raat bade ehataram se
aksar bujha liya hai charagon ko sham se
raushan hai apni bazm aur is ehatamam se
kuch dil bhi jal rahe hain charagon ke naam se
muddat hui hai khun-e-tamanna kiye magar
ab tak tapak raha hai lahu dil ke jam se
subah-e-bahar hum ko bulati rahi magar
hum khelate rahe kisi zulfon ke sham se
har sans par hai maut ka pehara laga hua
aahista ae hayat guzar is maqam se
kati tamam umr fareb-e-bahar mein
kante sametate rahe phoolon ke naam se
ye aur baat hai ke “ali” hum na sun sake
aavaz us ne di hai hamen har maqam se

 0 People liked it
0 Ratings

Manzil-e-janan ko jab ye dil ravan tha dosto
tum ko main kaise bataun kya saman tha dosto
har guman pahane hue tha ek malbus-e-yaqin
har yaqin jan dada-e-husn-e-guman tha dosto
dil ki har dhadakan makan-o-lamakan par thi muhit
har nafas raz-e-doalam ka nishan tha dosto
kya khabar kis justaju mein is qadar aawara tha
dil ke jo ganjina-e-sarr-e-nihan tha dosto
dhundhane par bhi na milta tha mujhe apna vujud
main talash-e-dost mein yun benishan tha dosto
markad-e-iqbal par hazir thi jab dil ki tadap
zindagi ka ek parda darmiyan tha dosto
qarb ne paida kiya tha khud hi duri ka saman
fasala warna hail kahan tha dosto
bekhudi mein jab mere honton ne chuma qabr ko
mere sina se gada-e-fursiyan tha dosto
ru-ba-ru-e-jalva-e-markad vujud-e-kam ayar
zar-e-naqis sharmasar-e-imtehan tha dosto
partav-e-dil mein nihan thi tah-bateh ye khamoshi
ishq ka wo bhi ik izhar-e-bayan tha dosto
jalvagah-e-dost ka aalam kahun main tum se kya
jalva hi jalva vahan tha main kahan tha dosto
sajdagah-e-khurshiyan tha yan na jane kya tha wo
jo meri nazron ke aage aastan tha dosto
dil ne har lamhe ko dekha ik nirale rang mein
lamha lamha dastan dar dastan tha dosto
jis ke sher-o-nagmagi par vusat-e-alam thi tang
har subah ko wo dopahre bekaran tha dosto
so raha tha khak ke niche jahan-e-zindagi
raz-e-hasti meri nazron par ayan tha dosto
kash tum bhi meri palkon ka nazara dekhte
ye nazara kahkashan dar kahkashan tha dosto

 0 People liked it
0 Ratings

Aankh ko jam samajh baitha tha anjane mein
saqiya hosh kahan tha tere divane mein
jane kis bat ke un ko hai shikayat mujh se
naam tak jin ka nahi hai mere afasane mein
dil ke tukadon se teri yaad ke khushbu na gai
bu-e-mai baqi hai tute hue paimane mein
dil-e-barbad mein ummid ka aalam kya hai
tim-timati hui ik shamma hai virane mein

 0 People liked it
0 Ratings

Kahan aake rukane the raste kahan mod tha use bhool ja
wo jo mil gaya use yaad rakh jo nahi mila use bhool ja
wo tere nasib ke barishen kisi aur chat pe baras gai
dil-e-bekhabar meri baat sun use bhool ja use bhool ja
main to gum tha tere hi dhyan mein teri aas mein tere guman mein
hawa kah gai mere kan mein mere sath aa use bhool ja
tujhe chand ban ke mila tha jo tere sahilon pe khila tha jo
wo tha ek dariya visal ka so utar gaya use bhool ja

 0 People liked it
0 Ratings

Wo Na Dikhe To Ye Rooh Tadpe
Uske Deedar Ko Meri Ye Aankhein Tarse
Dil Roya Ye Fariyaad Karke,
Rab Salamat Rakhna Usko Jiski Yaad Mein Ye Dil Dhadke

 0 People liked it
0 Ratings

Pech rakhte ho bahut saj-o-dastar ke bich
main ne sar girate hue dekhe hain bazar ke bich
bagbanon ko ajab ranj se takate hain gulab
gulfarosh aj bahut jama hain gulzar ke bich
kaj adaon ke inayat hai ki hum se ushshaq
kabhi divar ke piche kabhi divar ke bich
tum ho nakhush to yahan kon hai khush phir bhi ‘faraz'
log rehte hain isi shahar-e-dil-e-azar ke bich

 0 People liked it
0 Ratings

Mayekhane Me Jam Tut Jata Hai
Ishq Me Dil Tut Jata Hai
Na Jane Kya Rishta Hai Dono Me
Jaam Tute To Ishq Yaad Aata Hai
Dil Tute To Jaam Yaad Aata Hai

 0 People liked it
0 Ratings

Kabhi Hmare Dil Ki Dhadkan Sunkar To Dekho
Sirf Hme Yad Rakh K Duniya Ko Bhula K Dekho
Dost Kehkar Bahot Khel Chuke Apne Dil S
Kabhi Khudko Bhulakar Hme Apna Banakar To Dekho

 0 People liked it
0 Ratings

Previous Page

Post Shayari

Next Page

Showing Dil Shayari 221 - 230 of 523, Page 23 of 53 pages.