Dil Shayari

Dil Shayari - A large collection of Dil Shayari. We and our regular valuable users regularly add their shayari into Dil Shayari category as well as in other various shayari categories. So We have a best and huge collection of Dil Shayari and other shayari messages from various shayari categories in various language.

  
Post Dil Shayari
Name:
Email:
Category:
Shayari :

Enter the code below shown above

List of Dil Shayari

Showing Dil Shayari 301 - 310 of 523, Page 31 of 53 pages.

Chand tanha hai aasman tanha
dil mila hai kahan kahan tanha
bujh gai aas chup gaya tara
thartharata raha dhuan tanha
zindagi kya isi ko kahate hain
jism tanha hai aur jan tanha
hamsafar koi gar mile bhi kaheen
donon chalate rahe tanha tanha
jalati bujhati si raushani ke pare
simata simata sa ek makan tanha
rah dekha karega sadiyon tak
chod jayenge ye jahan tanha Poet of the poem or ghazal or nazam is Meena Kumari Naaz

 0 People liked it
0 Ratings

Meri zindagi pe na muskara mujhe zindagi ka alam nahi
jise tere gham se ho vasta wo khizan bahar se kam nahi
mera kufr hasil-e-zud hai mera zud hasil-e-kufr hai
meri bandagi wo hai bandagi jo rahin-e-dair-o-haram nahi
mujhe ras aaye khuda kare yahi ishtibah ke saten
unhen aitabar-e-vafa to hai mujhe aitabar-e-sitam nahi
wohi karavan wohi raste wohi zindagi wohi marahale
magar apane-apane muqam par kabhi tum nahi kabhi hum nahi
na wo shan-e-jabr-e-shabab hai na wo rang-e-qahar-e-itab hai
dil-e-beqarar pe in dinon hai sitam yahi ki sitam nahi
na fana meri na baqa meri mujhe ae ‘shakeel' na dhundiye
main kisi ka husn-e-khayal hun mera kuch vujud-o-adam nahi

 0 People liked it
0 Ratings

Honton pe kabhi un ke mera naam hi aaye
aaye to sahi bar-sar-e-ilzam hi aaye
hairan hain labbasta hain, dilgir hain gunche
khushbu ke zubani tera paigam hi aaye
lamhat-e-masarrat hain tasavvur se gurezan
yaad aae hain jab bhi gam-o-alam hi aaye
taron se saja lenge rah-e-shahar-e-tamanna
maqadur nahi subho chalo sham hi aaye
yadon ke vafaon ke aqidon ke gamon ke
kam aaye jo duniya mein to is naam hi aaye
kya rah badalne ka gila hamsafaron se
jis rah se chale tere dar-o-bam hi aaye
thak har ke baithe hain sar-e-ku-e-tamanna
kam aaye to phir jazba-e-nakam hi aaye
baqi na rahe sakh “ada” dasht-e-junun ke
dil mein agar andesha-e-anjam hi aaye

 0 People liked it
0 Ratings

Jahan ped par char dane lage
hazaron taraf se nishane lage
hui sham yadon ke ik ganv mein
parinde udasi ke aane lage
ghadi do ghadi mujhko palkon pe rakh
yahan aate aate zamane lage
kabhi bastiyan dil ke yun bhi basin
dukanen khulin, karakhane lage
waheen zard patton ka kalin hai
gulon ke jahan shamiyane lage
padai likhai ka mausam kahan
kitabon mein khat aane-jane lage

 0 People liked it
0 Ratings

Kis ne bhige hue balon se ye jhataka pani
jhum ke aayi ghata toot ke barasa pani
ro liya phut ke sine mein jalan ab kyon hai
aag pighala ke nikala hai ye jalta pani
koi matavali ghata thi ke javani ke umang
jo baha le gaya barsat ka pahala pani
tik-tiki bandhe wo phirate hain main is fikr mein hun
kaheen khane lage chakkar na ye gehara pani
baat karne mein wo un aankhon se amrit tapaka
‘arzoo' dekhte hi muh mein bhar aaya pani

 0 People liked it
0 Ratings

Huaa Hai Insaaf Se Bezaar Mera Dil
Bewafaa Ho Aap Gunehgaar Mera Dil
Har Kisi Ke Saath Hay Koi ,Tanha Main
Phir Se Le Jaa Mere Yaar Mera Dil
Ab To Kismaton Pe Chor Di Hai Baat
Thakk Chukaa Hoon ,Tumhe Pukaarey Mera Dil
Mere Marne Ki Ab Duayen Mangiye
Jeene Ka Nahin Hai Talabgaar Mera Dil
Waqt Ki Aandhiyon Ne Maar Daala
Tha Aik Dhuven Ka Gubaar Mera Dil
Ki Wafaaon Ki Umeed Be_Wafaaon Se
Thi Paani Se LadaaiSharaar Mera Dil
Ab Husn_O_Ishq Ki Baaten Na Kijiye
Mohabbat Se Hai Sharamsaar Mera Dil
Ispe Phool Ke Jagah Aansoo Charrhaiye
Hai Haseen Khwaabon Ka Mazaar Mera Dil
Dhadkan Ruk Jaati Hai Tere Naam Se
Choo Ke Dekhiye Tu Aik Baar Mera Dil
Jalao Na Us Ko Abhi Mere Dosto
Kisi Ka Kar Raha Hai Intezaar Mera Dil

 0 People liked it
0 Ratings

Tere nisar saqiya jitani piyun pilaye ja
mast nazar ka vasta mast mujhe banaye ja
tujh ko kisi se garaz kya bijli kaheen giraye ja
dil jale ya jigar jale tu yun hi muskuraye ja
samane mere aa ke dekh rukh se naqab hata ke dekh
khilaman-e-dil hai muntazair barq-e-nazar giraye ja
‘wafa'-e-badanasib ko bakhsha hai tune dard jo
hai koi is ke bhi dawa itna zara bataye ja

 0 People liked it
0 Ratings

Yaad karana har ghadi us yar ka
hai vazifa mujh dil-e-bimar ka
aarazu-e-chashma-e-kausar nahi
tishnalab hun sharbat-e-didar ka
aakabat kya hovega malum nahi
dil hua hai mubtila dildar ka
kya kahe tarif dil hai benazir
harf harf us makhzan-e-israr ka
gar hua hai talib-e-azadagi
band mat ho subba-o-zunnar ka
masnad-e-gul manzil-e-shabanam hui
dekh rutba dida-e-bedar ka
ae “wali” ho na srijan par nisar
mudda'a hai chashm-e-gauhar bar ka

 0 People liked it
0 Ratings

Previous Page

Post Shayari

Next Page

Showing Dil Shayari 301 - 310 of 523, Page 31 of 53 pages.