Dil Shayari

Dil Shayari - A large collection of Dil Shayari. We and our regular valuable users regularly add their shayari into Dil Shayari category as well as in other various shayari categories. So We have a best and huge collection of Dil Shayari and other shayari messages from various shayari categories in various language.

  
Post Dil Shayari
Name:
Email:
Category:
Shayari :

Enter the code below shown above

List of Dil Shayari

Showing Dil Shayari 411 - 420 of 523, Page 42 of 53 pages.

Sach hain hamin ko aap ke shikave baja na the
beshak sitam janab ke sab dostana the
han jo jafa bhi aap ne ke qayede se ke
han hum hi karaband-e-usul-e-vafa na the
aaye to yun to ke jaise hamesha ke meharaban
bhule to yun ke goya kabhi aashana na the
kyon dad-e-gam hum ne talab ki, bura kiya
hum se jahan mein kushta-e-gam aur kya na the
gar fikr-e-zakhm ke to khatavar hain ke hum
kyon mahv-e-madh-e-khubi-e-teg-e-ada na the
har charagar ko charagari se gurez tha
warna hamen jo dukh the bahut ladava na the
lab par hai talkhi-e-may-e-ayyam warna “faiz”
hum talkhi-e-kalam par mail zara na the

 0 People liked it
0 Ratings

Yun saja chand ki jhalaka tere andaz ka rang
yun faza mahaki ki badala mere hamaraz ka rang
saya-e-chashm mein hairan rukh-e-raushan ka jamal
surkhi-e-lab pe pareshan teri aavaz ka rang
bepiye hon ki agar lutf karo aakhir-e-shab
shisha-e-may mein dhale subah ke aagaz ka rang
chango-nay rang pe the apne lahu ke dam se
dil ne lay badali to madham hua har saz ka rang
ik sukhan aur ki phir rang-e-takallum tera
harf-e-sada ko inayat kare ejaz ka rang

 0 People liked it
0 Ratings

Phir koi aaya dil-e-zar nahi koi nahi
raharau hoga kaheen aur chala jayega
dhal chuki raat bikharne laga taron ka gubar
ladakhadane lage aewanon mein khwabida chirag
so gai rasta tak tak ke har ek rahaguzar
ajanabi khak ne dhundala diye qadmon ke surag
gul karo shamen bada do mai-o-mina-o-ayag
apne bekhwab kiwadon ko muqaffal kar lo
ab yahan koi nahin, koi nahi aayega

 0 People liked it
0 Ratings

Aj unhen kuch is tarah jee khol kar dekha kiye
ek hi lamhe mein jaise umr bhar dekha kiye
dil agar betab hai dil ka muqaddar hai yahi
jis qadar thi hum ko taufiq-e-nazar dekha kiye
khudfaroshana ada thi meri surat dekhana
apne hi jalve ba-andaz-e-digar dekha kiye
nashanas-e-gam faqat dad-e-hunar dete rahe
hum mata-e-gam ko rusva-e-hunar dekha kiye
dekhane ka ab ye aalam hai koi ho ya na ho
hum jidhar dekha kiye paharon udhar dekha kiye
husn ko dekha hai main ne husn ke khatir ‘hafeez'
varna sab apana hi mear-e-nazar dekha kiye
 

 0 People liked it
0 Ratings

Jab kabhi un ke tavajjo mein kami pai gai
az sar-e-nava-e-dastan-e-shauq doharai gai
bik chuke jab tere lab phir tujh ko kya shikwa agar
zindagani bada-o-sagar se bahalai gai
ae gam-e-duniya tujhe kya ilm tere vaste
kin bahanon se tabiyat rah par lai gai
hum karen tark-e-vafa acha chalo yun hi sahi
aur agar tark-e-vafa se bhi na ruswai gai
kaise kaise chashm-o-ariz gard-e-gam se bujh gaye
kaise kaise paikaron ke shan-e-zebai gai
dil ke dhadakan mein tavazzun aa chala hai khair ho
meri nazaren bujh gain ya teri ranai gai
un ka gham un ka tasavvur un ke shikave ab kahan
ab to ye baten bhi ae dil ho gain aayi gai

 0 People liked it
0 Ratings

Aqayad vaham hai mazahab khayal-e-kham hai saqi
azal se zahan-e-insan bast-e-auham hai saqi
haqiqat-ashanai asl mein gum-kardah-rahi hai
urus-e-agahi paravardah-e-abaham hai saqi
mubarak ho zaifi ko khirad ki falsafadani
javani beniyaz-e-ibrat-e-anjam hai saqi
abhi tak raste ki pech-o-kham se dil dhadakata hai
mera zauq-e-talab shayad abhi tak kham hai saqi
vahan bheja gaya hun chak karne pard-e-shab ko
jahan har subah ki daman pe aks-e-sham hai saqi
 

 0 People liked it
0 Ratings

Hum ko kisake gham ne mara ye kahani phir sahi
kis ne toda dil hamara ye kahani phir sahi
dil ke lutane ka sabab pucho na sab ke samane
naam aayega tumhara ye kahani phir sahi
nafaraton ke tir kha kar doston ke shahar mein
hum ne kis kis ko pukara ye kahani phir sahi
kya batayen pyar ke bazi wafa ke rah mein
kon jeeta kon hara ye kahani phir sahi
 

 0 People liked it
0 Ratings

Kaisa chalan hai gardish-e-lail-o-nahar ka
shikwa har ek ko hai gam-e-rozagar ka
tuti jo aas jal gaye palkon pe sau chirag
nikhara kuch aur rang shab-e-intazar ka
is zindagi i hum se haqiqat na puchiye
ik jabr jis ko naam diya ikhtiyar ka
ye kon aa gaya meri bazm-e-khayal mein
pucha mizaj kis ne dil-e-sogavar ka
dekho phir aj ho na jaye kaheen khun-e-aitamad
dekho na toot jaye fusun aitabar ka

 0 People liked it
0 Ratings

Previous Page

Post Shayari

Next Page

Showing Dil Shayari 411 - 420 of 523, Page 42 of 53 pages.