Dil Shayari

Dil Shayari - A large collection of Dil Shayari. We and our regular valuable users regularly add their shayari into Dil Shayari category as well as in other various shayari categories. So We have a best and huge collection of Dil Shayari and other shayari messages from various shayari categories in various language.

  
Post Dil Shayari
Name:
Email:
Category:
Shayari :

Enter the code below shown above

List of Dil Shayari

Showing Dil Shayari 451 - 460 of 523, Page 46 of 53 pages.

Teri talash mein hum jab kabhi nikalate hain
ik ajanabi ke tarah raste badalate hain
daraz ho gam-e-hijran ki hasil-e-hijran
wo hausalen hain jo aagosh-e-gam mein palate hain
rava nahi hai gam-e-ishq is qadar bhi garur
tere bagair bhi duniya ke kam chalte hain
kabhi jo had se badhi un ke yaad to samajhe
ki un ke dil mein bhi kuch valvale machalate hain
shab-e-firaq kuch aisi bhi teergi to nahi
kabhi kabhi sar-e-mizgan charag jalate hain
ab un ke gham se bhi maharum ho na jayen kabhi
wo janate hain ki is gham se dil bahalate hain

 0 People liked it
0 Ratings

Muddat hui hai yar ko mahaman kiye hue
josh-e-qadah se bazm charagan kiye hue
karta hun jama phir jigar-e-lakht-lakht ko
arsa hua hai davat-e-mizshgan kiye hue
phir vaza-e-ehatiyat se rukane laga hai dam
barason hue hain chak gireban kiye hue
phir garmnala haye shararbar hai nafas
muddat hui hai sair-e-charagan kiye hue
phir pursish-e-jarahat-e-dil ko chala hai ishq
saman-e-sadhazar namakdan kiye hue
phir bhar raha hun khama-e-mizshgan bakhun-e-dil
saz-e-chamantarazi-e-daman kiye hue
bahamdigar hue hain dil-o-dida phir raqib
nazzara-o-khayal ka saman kiye hue
dil phir tavaf-e-ku-e-malamat ko jaye hai
pindar ka sanamkada viran kiye hue
phir shauq kar raha hai kharidar ke talab
arz-e-mata-e-aql-o-dil-o-jan kiye hue
daude hai phir har ek gul-o-lala par khayal
sadgulsitan nigah ka saman kiye hue
phir chahata hun nama-e-dildar kholana
jan nazar-e-dilfarebi-e-unvan kiye hue
mange hai phir kisi ko lab-e-bam par havas
zulf-e-siyah rukh pe pareshan kiye hue
chahe phir kisi ko muqabil mein aarzoo
surme se tez dashna-e-mizshgan kiye hue
ik naubahar-e-naz ko take hai phir nigah
chehara furog-e-mai se gulistan kiye hue
phir jee mein hai ki dar pe kisi ke pade rahen
sar zer bar-e-minnat-e-darban kiye hue
jee dhundhata hai phir wohi fursat ke raat din
baithe rahen tasavvur-e-janan kiye hue
‘ghalib' hamen na ched ki phir josh-e-ashk se
baithe hain hum tahayya-e-tufan kiye hue

 0 People liked it
0 Ratings

Sadagi par us ke mar jane ke hasrat dil mein hai
bas nahi chalata ki phir khanjar kaf-e-qatil mein hai
dekhana taqarir ke lazzat ki jo usane kaha
mainne yah jana ki goya yah bhi mere dil mein hai
garache hai kis kis burai se wale ba in hama
zikr mera mujh se behatar hai ki us mahafil mein hai
bas hujum-e-na umidi khak mein mil jayagi
yah jo ik lazzat hamari sai-e-behasil mein hai
ranj-e-rah kyon khenchiye vamandagi ko ishq hai
uth nahi sakata hamara jo qadam manzil mein hai
jalva zar-e-atash-e-dozakh hamara dil sahi
fitana-e-shor-e-qayamat kis ke aab-o-gil mein hai
hai dil-e-shorida-e-galib tilism-e-pech-o-tab
raham kar apni tamanna par ki kis mushkil mein hai
Poet of the poest or Ghazal or Nazam : Mirza Ghalib

 0 People liked it
0 Ratings

Mujhko mara hai har ek dard-o-dava se pahale
di saza ishq ne har jurm-o-khata se pahale
aatish-e-ishq bhadakati hai hawa se pahale
honth jalate hain muhabbat mein dua se pahale
ab kami kya hai tere be-sar-o-samanon ko
kuch na tha teri qasam, tark-o-fana se pahale
ishq-e-bebak ko dave the bahut khalavat mein
kho diya sara bharam sharm-o-haya se pahale
maut ke naam se darate the ham, ae shauq-e-hayat
tune to mar hi dala tha qaza se pahale
hum unhen pake “firaq” aur bhi kuch khoye gaye
ye takalluf to na the ahad-e-vafa se pahale

 0 People liked it
0 Ratings

Tum nahi gham nahi sharab nahi
aisi tanhai ka javab nahi
gahe gahe ise pada kije
dil se bahatar koi kitab nahi
jane kis kis ke maut aai hai
aj rukh pe koi naqab nahi
wo karam ungaliyon pe ginte hain
zulm ka jinake kuch hisab nahi

 0 People liked it
0 Ratings

Tujhau Kaisay Kahon Mera Dil Ki Khani Meray Hamdam
Is Main Kuch Pardanashinon Kay Bhi Nam Atay Hain

 0 People liked it
0 Ratings

Jab merii haqiiqat jaa jaa kar un ko sunaa_ii logo.n ne
kuchh sach bhii kahaa kuchh jhuuTh kahaa kuchh baat banaa_ii logo.n ne
Dhaaye.N hai.n hameshaa zulm-o-sitam duniyaa ne muhabaat vaalo.n par
do dil ko kabhii milane na diyaa diivaar uThaa_ii logo.n ne
aa.Nkho.n se na aa.Nsuu po.nch sake ho.nTho.n pe Khushii dekhii na ga_ii
aabaad jo dekhaa ghar meraa to aag lagaa_ii logo.n ne
tanhaa_ii kaa saathii mil na sakaa rusvaa_ii me.n shaamil shahar huaa
pahale to meraa dil to.D diyaa phir iid manaa_ii logo.n ne
is daur me.n jiinaa mushkil hai ai ‘Ashk' ko_ii aasaa.N nahii.n
har ik qadam par marane kii ab rasm chalaa_ii logo.n ne

 0 People liked it
0 Ratings

Suraj ke har kiran teri surat pe var dun
dozakh ko chahata hun ki jannat pe var dun
itni si hai tasalli ki hoga muqabala
dil kya hai jan bhi apni qayamat pe var dun
ik khwab tha jo dekh liya neend mein kabhi
ik neend hai jo teri muhabbat pe var dun
“adam” hasin neend milegi kahan mujhe
phir q na zindagani ko turbat pe var dun

 0 People liked it
0 Ratings

Previous Page

Post Shayari

Next Page

Showing Dil Shayari 451 - 460 of 523, Page 46 of 53 pages.