Shayari Category  »  Nazar Shayari

Nazar Shayari

Nazar Shayari - A large collection of Nazar Shayari. We and our regular valuable users regularly add their shayari into Nazar Shayari category as well as in other various shayari categories. So We have a best and huge collection of Nazar Shayari and other shayari messages from various shayari categories in various language.

  
Post Nazar Shayari
Name:
Email:
Category:
Shayari :

Enter the code below shown above

List of Nazar Shayari

Previous Page

Next Page

Showing Nazar Shayari 91 - 100 of 136, Page 10 of 14 pages.

Kahaniyan bhi gain qissakhvaniyan bhi gain
wafa ke bab ke sab bezubaniyan bhi gain
wo beziyabi-e-gam ke sabil bhi na rahi
luta yun dil ke sabhi be-sabatiyan bhi gain
hawa chali to hare patte sukh kar tute
wo subah aayi to hairannumaiyan bhi gain
ve mera chehara mujhe aaine mein apna lage
usi talab mein badan ke nishaniyan bhi gain
palat palat ke tumhen dekha par mile bhi nahi
wo ahad-e-zabt bhi tuta shitabiyan bhi gain
mujhe to aankh jhapakana bhi tha garan lekin
dil-o-nazar ke tasavvurshi'ariyan bhi gain

 0 People liked it
0 Ratings

Dekha jo aaina to mujhe sochana pada
khud se na mil saka to mujhe sochana pada
us ka jo khat mila to mujhe sochana pada
apana-sa wo laga to mujhe sochana pada
mujhko tha guman ki mujh mein hai ek ada
dekhi teri ada to mujhe sochana pada
duniya samajh rahi thi ki naraz mujhase hai
lekin wo jab mila to mujhe sochana pada
ik din wo mere aib ginane laga ‘farag'
jab khud hi thak gaya to mujhe sochana pada.

 0 People liked it
0 Ratings

Aaye kuch abr kuch sharab aaye
us ke bad aaye jo azab aaye
bam-e-mina se mahatab utare
dast-e-saqi mein aaftab aaye
har rag-e-khun mein phir charagan ho
samane phir wo benaqab aaye
umr ke har waraq pe dil ko nazar
teri meher-o-wafa ke bab aaye
kar raha tha gam-e-jahan ka hisab
aj tum yad behisab aaye
na gai tere gam ke saradari
dil mein yun roz inqalab aaye
jal uthe bazm-e-gair ke dar-o-bam
jab bhi hum khanamankharab aaye
is tarah apani khamashi gunji
goya har simt se jawab aaye
‘faiz' thi rah sar basar manzil
hum jahan pahunche kamayab aaye

 0 People liked it
0 Ratings

Tune dekha hai kabhi ek nazar sham ke bad
kitne chup-chap se lagate hain shajar sham ke bad
itane chup-chap ke raste bhi rahenge la-ilm
chod jayenge kissi roz nagar sham ke bad
main ne aisee hi gunah teri judai mein kiye
jaise tufan mein koi chod de ghar sham ke bad
sham se pahale wo mast apni udanon mein raha
jis ke hathon mein the tute hue par sham ke bad
raat biti to gine aable aur phir socha
kon tha bais-e-agaz-e-safar sham ke bad
tu hai suraj tujhe malum kahan raat ka dukh
tu kisi roz mere ghar mein utar sham ke bad
laut aaye na kissi roz wo aawara majaz
khol rakhte hain isi aas pe dar sham ke bad

 0 People liked it
0 Ratings

Tere qadmon pe sar hoga qaza sar pe khadi hogi
phir us sajde ka kya kahana anokhi bandagi hogi
nasim-e-subah gulashan mein gulon se khelati hogi
kisi ke aakhari hichaki kisi ke dillagi hogi
dikha dunga sar-e-mahafil bata dunga sar-e-mahashar
wo mere dil mein honge aur duniya dekhati hogi
maza aa jayega mahashar mein phir sunane-sunane ka
zuban hogi vahan meri kahani aap ke hogi
tumhen danista mahafil mein jo dekha ho to mujarim
nazar aakhir nazar hai be-irada uth gai hogi

 0 People liked it
0 Ratings

Is bar wo mila to ajeeb us ka rang tha
alfaz mein tarang na lahaja dabang tha
ek soch thi ki bikhari hui khal-o-khad mein thi
ek dard tha ki jis ka shahid ang-ang tha
ek aag thi ki rakh mein poshida thi kaheen
ek jism tha ki ruh se masaruf-e-jang tha
main ne kaha ki yar tumhen kya hua hai ye
us ne kaha ki umr-e-ravan ke ata hai ye
main ne kaha ki umr-e-ravan to sabhi ke hai
us ne kaha ki fikr-o-nazar ke ata hai ye
main ne kaha ki sochata rehta to main bhi hun
us ne kaha ki aaina rakha hua hai ye
dekha to mera apna hi aks-e-jamal tha wo
wo main tha aur “himayat ali” tha wo
 

 0 People liked it
0 Ratings

Hazar gardish-e-sham-o-sahar se guzaren hain
wo qafile jo teri rahguzar se guzaren hain
abhi havas ko mayyassar nahi dilon ka gudaz
abhi ye log muqam-e-nazar se guzaren hain
har ek naqsh pe tha tere naqsh-e-pa ka guman
qadam qadam pe teri rahguzar se guzaren hain
na jane kon si manzil pe ja ke ruk jayen
nazar ke qafile divar-o-dar se guzaren hain
kuch aur phail gain dard ke kathin rahen
gam-e-firaq ke mare jidhar se guzaren hain
jahan surur mayyassar tha jam-o-mai ke bagair
wo maikade bhi hamari nazar se guzaren hain
 

 0 People liked it
0 Ratings

Mauj-e-gul, mauj-e-saba, mauj-e-sahar lagti hai
sar se pa tak wo saman hai ki nazar lagti hai
hum ne har gham sajdon e jalaye hain chirag
ab teri rahaguzar rahaguzar lagti hai
lamhe lamhe basi hai teri yadon ke mahak
aj ke raat to khushbu ka safar lagti hai
jal gaya apna nasheman to koi baat nahi
dekhana ye hai ki ab aag kidhar lagti hai
sari duniya mein garibon ka lahu bahata hai
har zamin mujhko mere khoon se tar lagti hai
vaqya shahar mein kal to koi aisa na hua
ye to “akhtar” ke daftar ke khabar lagti hai

 0 People liked it
0 Ratings

Previous Page

Post Shayari

Next Page

Showing Nazar Shayari 91 - 100 of 136, Page 10 of 14 pages.