Nazar Shayari

Nazar Shayari - A large collection of Nazar Shayari. We and our regular valuable users regularly add their shayari into Nazar Shayari category as well as in other various shayari categories. So We have a best and huge collection of Nazar Shayari and other shayari messages from various shayari categories in various language.

  
Post Nazar Shayari
Name:
Email:
Category:
Shayari :

Enter the code below shown above

List of Nazar Shayari

Showing Nazar Shayari 101 - 110 of 136, Page 11 of 14 pages.

Jab nazar aap ke ho gai hai
zindagi zindagi ho gai hai
barha bar-khilaf-e-har-ummid
dosti dushmani ho gai hai
hai wo takamil purakariyon ke
jo meri sadagi ho gai hai
teri har pursish-o-meharbani
ab meri bekasi ho gai hai
bhool baitha hai tu kah ke jo baat
wo meri zindagi ho gai hai
bazm mein aankh uthane ke taqasir
ae “firaq” aj bhi ho gai hai
Poet of The Ghazal/poem or Nazam :Firaq Gorakhpuri

 0 People liked it
0 Ratings

Meri zindagi hai zalim, tere gham se aashkara
tera gham hai dar-haqiqat mujhe zindagi se pyara
wo agar bura na mane to jahan-e-rang-o-bu mein
main sukun-e-dil ke khatir koi dhundh lun sahara
ye fulak fulak havayen ye jhuki jhuki ghatayen
wo nazar bhi kya nazar hai jo samajh na le ishara
mujhe aa gaya yaqin sa yahi hai meri manzil
sar-e-rah jab kisi ne mujhe daffa'atan pukara
main bataun farq nasih, jo hai mujh mein aur tujh mein
meri zindagi talatum, teri zindagi kinara
mujhe guftagu se bad kar gam-e-izn-e-guftagu hai
wahi baat puchte hain jo na kah sakun dobara
koi aye ‘shakeel' dekhe, ye junun nahi to kya hai
ke usi ke ho gaye hum jo na ho saka hamara

 0 People liked it
0 Ratings

Bana bana ke tamanna mitai jati hai
tarah tarah se wafa aazamai jati hai
jab un ko meri muhabbat ka aitabar nahi
to jhuka jhuka ke nazar kyon milai jati hai
hamare dil ka pata wo hamen nahi dete
hamari cheez hamin se chupai jati hai
‘shakeel' duri-e-manzil se na-ummid na ho
manzil ab aa hi jati hai ab aa hi jati hai

 0 People liked it
0 Ratings

Ye jo hum hijr mein divar-o-dar ko dekhte hain
kabhi saba ko kabhi namabar ko dekhte hain
wo aaye ghar mein hamare khuda ke kudarat hai
kabhi hum un ko kabhi apne ghar ko dekhte hain
nazar lage na kaheen usake dast-o-bazu ko
ye log kyon mere zakhm-e-jigar ko dekhte hain
tere javahir-e-tarf-e-kulah ko kya dekhen
hum auj-e-tala-e-lal-o-guhar ko dekhte hain

 0 People liked it
0 Ratings

Jab wo masarur nazar aata hai
har taraf nur nazar aata hai
main to maikhvar hun tu kyon saqi
nashe mein choor nazar aata hai
qurb se hath uthaya main ne
tu badi dur nazar aata hai
main hi tanha nahi dil ke hathon
tu bhi majabur nazar aata hai
khaksari ko chupane ke liye
‘wajd' magarur nazar aata hai
 
 

 0 People liked it
0 Ratings

Ye mojaza bhi muhabbat kabhi dikhaye mujhe
ki sang tujhape gire aur zakhm aaye mujhe
wo maharaban hai top iqarar q nahi karta
wo badaguman hai to sau bar aazamaye mujhe
main apne panv tale raundata hun saye ko
badan mera hi sahi dopahar na bhaye mujhe
main ghar se teri tamanna pahan ke jab nikalun
barahana shahar mein koi nazar na aaye mujhe
wo mera dost hai sare jahan ko hai malum
daga kare wo kisi se to sharm aaye mujhe
main apni zat mein nilam ho raha hun ‘qateel'
gam-e-hayat se kah do kharid laye mujhe

 0 People liked it
0 Ratings

Aa jayen hum nazar jo koi dam bahut hai yan
mohalat basan-e-barq-o-sharar kam bahut hai yan
yak lahaza sina kobi se furasat hamen nahi
yani ki dil ke jane ka matam bahut hai yan
hum raharavan-e-rah-e-fana der rah chuke
vaqfa basan-e-subh koi dam bahut hai yan
hasil hai kya sivaye tarai ke dahar mai
uth aasman tale se ke shabanam bahut hai yan
is butakade mai mani ka kis se karen saval
aadam nahi surat-e-adam bahur hai yan
ajaz-e-isavi se nahi bahas ishq mai
teri hi bat jan-e-mujassim bahut hai yan
mere hilak karane ka gam hai abas tumhen
tum shad zindagani karo gam bahut hai yan
shayad ke kam subh tak apana khinche na ‘meer'
ahaval aj sham se daraham bahut hai yan

 0 People liked it
0 Ratings

Apne har har lafz ka khud aaina ho jaunga
us ko chota kah ki main kaise bada ho jaunga
tum girane mein lage the tum ne socha hi nahi
main gira to masala ban kar khada ho jaunga
mujh ko chalne do akela hai abhi mera safar
rasta roka gaya to qafila ho jaunga
sari duniya ki nazar mein hai mera ahad-e-vafa
ek tere kahane se kya main bevafa ho jaunga.

 0 People liked it
0 Ratings

Previous Page

Post Shayari

Next Page

Showing Nazar Shayari 101 - 110 of 136, Page 11 of 14 pages.