Shayari Category  »  Nazar Shayari

Nazar Shayari

Nazar Shayari - A large collection of Nazar Shayari. We and our regular valuable users regularly add their shayari into Nazar Shayari category as well as in other various shayari categories. So We have a best and huge collection of Nazar Shayari and other shayari messages from various shayari categories in various language.

  
Post Nazar Shayari
Name:
Email:
Category:
Shayari :

Enter the code below shown above

List of Nazar Shayari

Previous Page

Next Page

Showing Nazar Shayari 11 - 20 of 136, Page 2 of 14 pages.

Beniyaz-e-sahar ho gai
sham-e-gam moatabar ho gai
ik nazar kya idhar ho gai
ajanabi har nazar ho gai
zindagi kya hai aur maut kya
shab hui aur sahar ho gai
unki aankhon mein ashk aa gaye
dastan mukhtasar ho gai
char tinake hi rakh paye the
bijaliyon ko khabar ho gai
chid gai kis ke daman ke bat
khudbakhud aankh tar ho gai
un ke mahafil se uthakar chale
roshni hamsafar ho gai
‘tarz' jab se chuta karavan
zist gard-e-safar ho gai.

 1 People liked it
0 Ratings

Khulegi is nazar pe chashm-e-tar aahista aahista
kiya jata hai pani mein safar aahista aahista
koi zanjir phir vapas waheen par le ke aati hai
kathin ho reh to chutata hai ghar aahista aahista
badal dena hai rasta ya kaheen par baith jana hai
ki thakata ja raha hai hamsafar aahista aahista
khalish ke sath is dil se na meri jan nikal jaye
khinche tir-e-shanasai magar aahista aahista
hua hai sarkashi mein phul ka apna ziyan, dekha
so jhukata ja raha hai ab ye sar aahista aahista
meri sholamizaji ko wo jangal kaise ras aaye
hawa bhi sans leti ho jidhar aahista aahista

 1 People liked it
0 Ratings

Honto Pe Ulfat Ka Naam Hota Hai
Aankhon Main Chhalakta Jaam Hota Hai
Talwarron Ki Zarurat Wahan Kaisay
Jahaan Nazro Se Qatl-E-Aam Hota Hai

 1 People liked it
0 Ratings

Dil pe karte hain dimagon pe asar karte hain
hum ajab log hain zehanon mein safar karte hain
jab sarape pe kaheen us ke nazar karte hain
mir sahab ke tarah umr basar karte hain
bandishen hum ko kisi hal gavara hi nahi
hum to wo log hain divar ko dar karte hain
waqt ki tez-kharami hamen kya rokegi
janbish-e-kalk se sadiyon ka safar karte hain
naqsh-e-pa apana kaheen rah mein hota hi nahi
sar se karte hain mohim jab koi sar karte hain
ham-nashin khub hai ye mahafil-e-yaran ke yahan
wo saliqa hai ke aibon ko hunar karte hain
kya kahen hal tera ae mutamaddin duniya
janvar bhi nahi karte jo bashar karte hain
hum ko dushman ke bhi taqlif gavara na hui
log ehabab se bhi sarf-e-nazar karte hain
marqadon pe to charagan hai shab-o-roz magar
umr kuch log adheron mein basar karte hain
tazakara mir ka galib ke zaban tak aaya
aitaraf-e-hunar, arbab-e-hunar karte hain

 0 People liked it
0 Ratings

Kalkatte ka jo zikr kiya tune hum nasheen
ik tir mere sine mein mara ke haye haye
wo sabza zar haye mutarra ke hai gazab
wo nazanin butan-e-khudara ke haye haye
sabrazma wo un ke nigahen ke haf nazar
taqatruba wo un ka ishara ke haye haye
wo meva haye taza-e-shirin ke vah vah
wo bada haye nab-e-gavara ke haye haye

 0 People liked it
0 Ratings

Kabhi aah lab pe machal gai kabhi ashk aankh se dhal gaye
wo tumhare gham ke chirag hain kabhi bujh gaye kabhi jal gaye
main khayal-o-khvab ke mahafilen na baqadr-e-shauq saja saka
tumhari ik nazar ke sath hi mere sab irade badal gaye
kabhi rang mein kabhi rup mein kabhi chanv mein kabhi dhup mein
kaheen aafatab-e-nazar hain wo kaheen mahatab mein dhal gaye
jo fana huye gam-e-ishq mein unhen zindagi ka na gham hua
jo na apni aag mein jal sake wo parai aag mein jal gaye
ya unhen bhi meri tarah junun to phir un mein umjh mein ye farq kya
main giraft-e-gam se na bach saka wo hudud-e-gam se nikal gaye

 0 People liked it
0 Ratings

Meri Jaan-E-Jigar, Ab Meri Nazar Ke Saamne Hai
Meri Laqt-E-Jigar, Ab Meri Nazar Ke Saamne Hai
Jiske Deedar Ki Hasrat Mein Mai Kabse Tha Bechain
Woh Shaam-O-Sahar, Ab Meri Nazar Ke Saamne Hai
Jis Raah Par Chalne Ki Sadiyon Se Thi Aarzoo-Ein
Aisi Hi Raah-Guzar, Ab Meri Nazar Ke Saamne Hai
Log Milte Hai Bichad Jaate Hai Zindagi Ki Raahon Par
Zaar-E-Humsafar, Ab Meri Nazar Ke Saamne Hai
Kya Chand? Kya Suraj? Kya Taaron Ki Kashish?
Kehkashaan-Aftaab-O-Qamar, Ab Meri Nazar Ke Saamne Hai
Sadaa Arsh Par Pahunch Gayi, Abh Khudko Kyon Tanha Kahoon?
Meri Duaon Ka Asar, Ab Meri Nazar Ke Saamne Hai

 0 People liked it
0 Ratings

Kabhi yun bhi aa meri aankh mein ke meri nazar ko khabar na ho
mujhe ek raat navaz de magar uske bad sahar na ho
wo bada rahim-o-karim hai mujhe ye sifat bhi ata kare
tujhe bhulane ke dua karun to dua mein meri asar na ho
mere bazuon mein thaki thaki , abhi mahav-e-khvab hai chandani
na uthe sitaron ke palaki, abhi aahaton ka guzar na ho
ye gazal ki jaise hiran ke aankhon mein pichali raat ke chandani
na bujhe kharabe ke roshani, kabhi becharag ye ghar na ho
wo firaq ho ya visal ho, teri yaad mahakegi ek din
wo gulab ban ke khilega kya, jo chirag ban ke jala na ho
kabhi dhup de, kabhi badaliyan, dil-o-jan se donon qubul hain
magar us nagar mein na qaid kar jahan zindagi ke hawa na ho
kabhi din ke dhup mein jhum ke kabhi shab ke phul ko choom ke
yun hi sath sath chalen sada kabhi khatm apna safar na ho
mere pas mere habib aa zara aur dil ke qarib aa
tujhe dhadakanon mein basa lun main ke bichadane ka kabhi dar na ho

 0 People liked it
0 Ratings

Previous Page

Post Shayari

Next Page

Showing Nazar Shayari 11 - 20 of 136, Page 2 of 14 pages.