Nazar Shayari

Itna tuta hun ki chune se bikhar jayega
ab agar aur dua doge to mar jaunga
lekar mera pata waqt rayaga na karo
main to banjara hun kya jane kidhar jaunga
is taraf dhundh hai jugnu hai na chirag koi
kon pahachanega basti mein agar jaunga
zindagi main bhi musafir hun teri kashti ka
tu jahan mujh se kahegi main utar jaunga
yahan reh jayenge guladanon mein yadon ke nazar
main to khushbu hun fizaon mein bikahr jaunga

 0 People liked it

Din dhal chuka tha aur parinda safar mein tha
sara lahu badan ka ravan khisht-o-par mein tha
had-e-ufaq pe sham thi kheme mein muntazar
aansu ka ik pahad sa hail nazar mein tha
jate kahan ki raat ke bahen thin mushtail
chupate kahan ki sara jahan apne ghar mein tha
lo wo bhi narm ret ke tile mein dhal gaya
kal tak jo ek koh-e-giran rahguzar mein tha
utara tha vahashi chidiyon ka lashkar zamin par
phir ik bhi narm pat na sare shahar mein tha
pagal si ik sada kisi ujade makan mein thi
khidaki mein ik chirag bhari dopahar mein tha
us ka badan tha khoon ke hiddat se sholafish
suraj ka ik gulab sa tisht-e-sahar mein tha

 0 People liked it

Zulmatkade mein mere shab-e-gam ka josh hai
ik shamma hai dalil-e-sahar, so khamosh hai
na muzda-e-visal na nazara-e-jamal
muddat hui ki aashti-e-chashm-o-gosh hai
mein ne kiya hai husn-e-khudara ko behijab
ae shauq yan ijazat-e-taslim-e-hosh hai
gohar ko ikd-e-gardan-e-khuban mein dekhana
kya auj par sitara-e-gauharfarosh hai
didar, vada, hausala, saqi, nigah-e-mast
bazm-e-khayal maikada-e-bekharosh hai
ae taza varidan-e-bisat-e-hava-e-dil
zinhar gar tumhen havas-e-na-o-nosh hai
dekho mujhe jo dida-e-ibaratnigah ho
meri suno jo gosh-e-nasihatniyosh hai
saqi bajalva dushman-e-iman-o-agahi
mutarib banagma rahazan-e-tamkin-o-hosh hai
ya shab ko dekhte the ki har gosha-e-bisat
daman-e-bagaban-o-kaf-e-gulfarosh hai
lutf-e-khiram-e-saqi-o-zauq-e-sada-e-chang
ye jannat-e-nigah wo firdaus-e-gosh hai
ya subh dam jo dekhiye aakar to bazm mein
na wo surur-o-soz na josh-o-kharosh hai
dag-e-firaq-e-sohabat-e-shab ke jali hui
ik shamma reh gai hai so wo bhi khamosh hai
aate hain gaib se ye mazamin khayal mein
‘ghalib', sarir-e-khama nava-e-sarosh hai
Author of  the Poem / Ghazal or Nazam :Mirza Ghalib

 0 People liked it

Havas-nasib nazar ko kaheen qarar nahi
main muntazir hun magar tera intazar nahi
hamin se rang-e-gulistan hamin se rang-e-bahar
hamin ko nazm-e-gulistan pe ikhtiyar nahi
abhi na ched mohabbat ke geet ae mutarib
abhi hayat ka mahaul khushgavar nahi
tumhare ahd-e-wafa ko ahad main kya samajhun
mujhe khud apni mohabbat ka aitabar nahi
na jane kitne gile is mein muztarib hai nadim
wo ek dil jo kisi ka gilagusar nahi
gurez ka nahi qayal hayat se lekin
jo soz kahun to mujhe maut nagavar nahi
ye kis maqam pe pahuncha diya zamane ne
ki ab hayat pe tera bhi ikhtiyar nahi

 0 People liked it