Shayari Category  »  Nazar Shayari

Nazar Shayari

Nazar Shayari - A large collection of Nazar Shayari. We and our regular valuable users regularly add their shayari into Nazar Shayari category as well as in other various shayari categories. So We have a best and huge collection of Nazar Shayari and other shayari messages from various shayari categories in various language.

  
Post Nazar Shayari
Name:
Email:
Category:
Shayari :

Enter the code below shown above

List of Nazar Shayari

Previous Page

Next Page

Showing Nazar Shayari 51 - 60 of 136, Page 6 of 14 pages.

Dil ke sunsan jaziron ke khabar layega
dard pehlu se juda ho ke kahan jayega
kon hota hai kisi ka shab-e-tanhai mein
gam-e-furqat hi gam-e-ishq ko bahalayega
chand ke pehlu mein dam sadh ke roti hai kiran
aj taron ka fusun khak nazar aayega
rakh mein aag dabi hai gam-e-maharumi ke
rakh ho kar bhi ye shola hamen sulagayega
waqt khamosh hai ruthe hue yaron ke tarah
kon lau dete hue zakhmon ko sahalayega
dhup ko dekh ke us jism pe padati hai jhamak
chaon dekhenge to us zulf ka dhyan aayega
zindagi chal ki zara maut ka damkham dekhen
warna ye jazba lahad tak hamen le jayega

 0 People liked it
0 Ratings

Mere Dil Main Koi Aawaz Ubhar Aati Hai
Teri Hi Shakal Kitabon Main Nazar Aati Hai

 0 People liked it
0 Ratings

Uthi hai magrib se ghata
pine ka mausam aa gaya
hai raqs mein ik mah-laqa
nazuk ada naz aafrin
han nachati ja gaye ja
nazron se dil baramaye ja
tadapaye ja tadapaye ja
o dushman-e-duniya-o-din
tera thirakana khub hai
teri adayen dil-nashin
lekin thahar tu kon hai
o nim-uriyan nazanin
kya mashriqi aurat hai tu
hargiz nahi hargiz nahi
teri hansi bebak hai
teri nigah chalak hai
uff kis qadar dil-soz hai
taqarir bazari teri
kitni havas aamez hai
ye sada purkari teri
sharm aur izzat valiyan
hoti hain iffat valiyan
wo husn ke shahzadiyan
parde ke hain aabadiyan
chashm-e-falak ne aj tak
dekhi nahi un ke jhalak
sarmaya-e-sharm-o-haya
zevar hai un ke husn ka
shohar ke dukh sahati hain wo
muh se nahi kahati hain wo
kab samane aati hain wo
gairat se kat jati hain wo
aziyat-e-millat un se hai
nam-e-sharafat un se hai
imam par qayam hain wo
pakiza-o-sayam hain wo
tujh mein nahi sharm-o-haya
tujh mein nahi mahar-o-vafa
sach sach bata tu kon hai
o behaya tu kon hai
ye pur-fasun gamze tere
na-maharamon ke samane
hat samane se dur ho
maradud ho maqhur ho
taqadir ke heti hai tu
shaitan ke beti hai tu
jis qaum ke aurat hai tu
us qaum par lanat hai tu
lekin thahar jana zara
teri nahi koi khata
mardon mein gairat hi nahi
qaumi hamiyat hi nahim
wo millat-e-baiza ke thi
sare jahan ke roshni
jamiyat-e-islamiyan
shahanshah-e-hindustan
ab is mein dam kuch bhi nahi
hum kya hain hum kuch bhi nahi
milli siasat uth gai
bazu ke taqat uth gai
shan-e-hejazi ab kahan
wo turk-tazi ab kahan
ab gazanavi himmat gai
ab babari shaukat gai
lekin mujhe kya khabt hai
taqarir kyon berabt hai
itna sharabi ho gaya
aql-o-khirad bhi kho gaya
mujhko zamane se garaz
mitane mitane se garaz
hindustan se kam kya
andesha-e-islam kya
jine do jine do mujhe
pine do pine do mujhe
jab hashr ka din aayega
us waqt dekha jayega
han nachati ja gaye ja
nazron se dil baramaye ja
tadapaye ja tadapaye ja
dushman-e-duniya-o-din.

 0 People liked it
0 Ratings

Tera hi bahr safina ravan bhi tera hai
bhanvar bhi tere hain aur badban bhi tera hai
hai teri bazm mein aakhir kahan jagah meri
charag bhi hain tere aur dhuan bhi tera hai
mujhe to nazr bhi karne ko kuch nahi apna
jabin ke khak teri aastan bhi tera hai
naqush-e-pa ko uthaye kahan khan jaun
ki gard-e-rah bhi teri karavan bhi tera hai
bas ek kashakash-e-benam aur main bebas
natija bhi hai tera imtahan bhi tera hai
main thak ke baith rahun ya qadam badhaye chalun
fana bhi teri hai nam-o-nishan bhi tera hai

 0 People liked it
0 Ratings

Ja kahiyo un se nasim-e-sahar mera chain gaya meri neend gai
tumhen meri na mujh ko tumhari khabar mera chain gaya meri neend gai
na haram mein tumhare yar pata na surag dair mein hai milta
kahan ja ke dekhun main jaun kidhar mera chain gaya meri neend gai
ae badashah-e-khuban-e-jahan teri mohini surat pe qurban
ke main ne jo teri jabin pe nazar mera chain gaya meri neend gai
hui bad-e-bahari chaman mein ayan gul buti mein baqi rahi na fiza
meri shakh-e-ummid na lai sanvar mera chain gaya meri neend gai
ae barq-e-tajalli bahar-e-khuda na jala mujhe hijr mein shamma sa
meri zist hai misl-e-chirag-e-sahar mera chain gaya meri neend gai
kehta hai yahi ro ro ke “zafar” meri aah-e-rasa ka hua na asar
teri hijr mein maut na aayi abhi mera chain gaya meri neend gai
yahi kahana tha shero ke aj “zafar” meri aah-e-rasa mein hua na asar
tere hijr mein maut na aai magar mera chain gaya meri neend gai

 0 People liked it
0 Ratings

Takra hi gai meri nazar un ke nazar se
dhona hi pada hath mujhe qalb-o-jigar se
izhar-e-mohabbat na kiya bas isi dar se
aisa na ho gir ja un kaheen un ke nazar se
ae zauq-e-talab josh-e-junun ye to bata de
jana hai kahan aur hum aaye hain kidhar se
‘fayyaz' ab aaya hai junun josh pe apna
hansata hai zamana main guzarata hun jidhar se

 1 People liked it
0 Ratings

Mujhe Tujhse Milne Ki Taqdeer Nazar Aayi
Mujhe Apne Pairon Mein Zanjeer Nazar Aayi
Jitne Aansoo Bahaye Teri Yaad Mein
Har Aansoo Mein Tasveer Teri Nazar Aayi

 0 People liked it
0 Ratings

Tumhari mast nazar agar idhar nahi hoti
nashe mein choor fiza is kadar nahi hoti
tumhin ko dekhane ke dil mein aarazuen hain
tamhare aage hi aur unchi nazar nahi hoti
khafa na hona agar bad ke tham lun daman
ye dil fareb khata jan kar nahi hoti
tumhare aane talak hum ko hosh rehta hai
phir usake bad hamen kuch khabar nahi hoti

 0 People liked it
0 Ratings

Previous Page

Post Shayari

Next Page

Showing Nazar Shayari 51 - 60 of 136, Page 6 of 14 pages.