Shayari Category  »  Nazar Shayari

Nazar Shayari

Nazar Shayari - A large collection of Nazar Shayari. We and our regular valuable users regularly add their shayari into Nazar Shayari category as well as in other various shayari categories. So We have a best and huge collection of Nazar Shayari and other shayari messages from various shayari categories in various language.

  
Post Nazar Shayari
Name:
Email:
Category:
Shayari :

Enter the code below shown above

List of Nazar Shayari

Previous Page

Next Page

Showing Nazar Shayari 61 - 70 of 136, Page 7 of 14 pages.

Ye jo divane se do char nazar aate hain
in mein kuch sahib-e-asrar nazar aate hain
teri mahafil ka bharam rakahate hain so jat ehain
warna ye log to bedar nazar aate hain
dur tak koi sitara hai na koi jugnu
marg-e-ummid ke aasar nazar aate hain
mere daman mein shararon ke siva kuch bhi nahi
aap phoolon ke kharidar nazar aate hain
kal jise chu nahi sakati thi farishton ke nazar
aj wo raunaq-e-bazar nazar aate hain
hashr mein kon gavahi meri dega ‘sagar'
sab tumhare hi tarafdar nazar aate hain

 0 People liked it
0 Ratings

Jab kabhi bolana waqt par bolana
muddaton bolana mukhtasar bolana
dal dega halaqat mein ik din tujhe
ae parinde tera shakh par bolana
pahale kuch dur tak sath chal ke parakh
phir mujhe hamsafar hamsafar bolana
umr bhar ko mujhe besada kar gaya
tera ik bar muh pher kar bolana
meri khanabadoshi se puche koi
kitna mushkil hai raste ko ghar bolana
q hai khamosh sone ke chidiya bata
lag gai tujh ko kis ke nazar bolana

 0 People liked it
0 Ratings

Dard jab teri ata hai to gila kis se karen
hijr jab tune diya hai to gila kis se karen
aqs bikhara hai tera toot ki aaine mein
ho gayi naam nazar aqs liya kis se karen
main safar mein hun mere sath judai teri
ham-safar gham hai to phir tera pata kis se karen
khil uthe gul ya khile dast-e-hinai tere
har taraf tu hai to phir tera pata kis se karen
tere lab, teri nigahen tere aariz teri zulf
itane zindan hain to is dil ko riha kis ki karen

 0 People liked it
0 Ratings

Jab Bhi Aap Se Milne Ki Taqdeer Nazar Aayi
Mujhe Paon Mein Bandhi Zanzeer Nazar Aayi
Teri Yaadon Mein Nikal Parey Aansu
Har Aansu Mein Teri Tasveer Nazar Aayi

 0 People liked it
0 Ratings

Naa Shayar Hoon, Naa Haasil Hai Hunar Ghazalon Me
Bayaan Karta Hoon Haal Dil Kaa Chand Lafzon Me
Khata-E-Ishq Chaahoon Karnaa Main Bhii Ek Baar
Samaa Paaye Agar Koi Mujhko Apni Nazron Me

 0 People liked it
0 Ratings

Uttho meri duniya ke garibon ko jaga do
khak-e-umara ke dar-o-divar hila do
garmao gulamon ka lahu soz-e-yaqin se
kunjishk-e-phiromaya ko shahin se lada do
sultani-e-jamahur ka aata hai zamana
jo naqsh-e-kuhan tum ko nazar aaye mita do
jis khet se dahaqan ko mayassar nahi rozi
us khet ke har khosha-e-gundam ko jala do
kyon khaliq-o-makhaluq mein hayal rahen parde
piran-e-kalisa ko kalisa se hata do
main nakhush-o-bezar hun marmar ke silon se
mere liye matti ka haram aur bana do
tahazib-e-navin kargah-e-shishagaran hai
aadab-e-junun shayar-e-mashriq ko sikha do

 0 People liked it
0 Ratings

Ajib tajurba tha bhid se guzarane ka
use bahana mila mujh se bat karane ka
phir ek mauj use khinch le gai tah-e-ab
tamasha khatm hua dubane ubharane ka
mujhe khabar hai ki rasta mazar chahata hai
main khastapa sahi lekin nahi thaharane ka
thama ke ek bikharata gulab mere hath
tamasha dekh raha hai wo mere darane ka
ye aasman mein siyahi bikher di kis ne
hamen tha shauq bahut is mein rang bharane ka
bas ek chikh giri thi pahad se yakalakht
ajab nazar tha phir dhundh ke bikharane ka

 0 People liked it
0 Ratings

Dil mera jis se bahalata koi aisa na mila
but ke bande to mile ALLAH ka banda na mila
bazm-e-yaran se phiri bad-e-bahari mayus
ek sar bhi use aamada-e-sauda na mila
gul ke khvahan to nazar aaye bahut itrfarosh
talib-e-zamzam-e-bulbul-e-shaida na mila
vah kya rah dikhai hamen murshad ne
kar diya kabe ko gum aur kalisa na mila
sayyad utthe jo gazat le ke to lakhon laye
shaikh quran dikhata phira paisa na mila

 0 People liked it
0 Ratings

Previous Page

Post Shayari

Next Page

Showing Nazar Shayari 61 - 70 of 136, Page 7 of 14 pages.