Shayari Category  »  Urdu Shayari

Urdu Shayari

Urdu Shayari - A large collection of Urdu Shayari. We and our regular valuable users regularly add their shayari into Urdu Shayari category as well as in other various shayari categories. So We have a best and huge collection of Urdu Shayari and other shayari messages from various shayari categories in various language.

  
Post Urdu Shayari
Name:
Email:
Category:
Shayari :

Enter the code below shown above

List of Urdu Shayari

Previous Page

Next Page

Showing Urdu Shayari 171 - 180 of 265, Page 18 of 27 pages.

Fal-safe ishq mein pesh aaye savalon ki tarah
hum pareshan hi rahe apne khayalon ki tarah
shishagar baithe rahe zikr-e-masiha lekar
aur hum toot gaye kanch ki pyalon ki tarah
jab bhi anjam-e-muhabbat ne pukara khud ko
waqt ne pesh kiya hum ko misalon ki tarah
zikr jab hoga muhabbat mein tabahi ka kaheen
yaad hum aayenge duniya ko havalon ki tarah
Author of the poem or ghazal or Nazam: Sudarshan Faakir

 0 People liked it
0 Ratings

Tere Wada-E-Didaar Par Hum Kayam Thei,
Intejar-E-Imtehaan Mein Zakhmi Thei
Aah-E-Aatashii Se Jal Gayaa Dil Nadim,
Bikharii Yadoon Mei Tere Mauj-E-Shamiim,
Andaz-E-Alvida Ye Kaisa Tha Zalima Tera,
Mazdhaar Mein Hum Doobe Kinare Tum Lage.

 0 People liked it
0 Ratings

Chand sitaron se kya puchun kab din mere phirate hain
wo to bechare khud hain bhikari dere dere phirate hain
jin galiyon mai hum ne sukh ke sej pe raten kati thin
un galiyon mai vyakul hokar sanjh savere phirate hain
rup-sarup ke jot jagana is nagari mai jokhim hai
charon khunt bagule ban kar ghor andhere phirate hain
jin ke sham-badan saye mai mera man sustaya tha
ab tak aankhon ke aage wo bal ghanere phirate hain
koi hamen bhi ye samajha do un par dil kyon rijh gaya
tikhi chitavan banki chab vale bahutere phirate hain
is nagari mai bag aur ban ke yaro lila nyari hai
panchi apne sar pe uthakar apne basere phirate hain
log to daman si lete hain jaise ho jee lete hain
‘abid' hum divane hain jo bal bikhere phirate hain
Poet of the poem or ghazal or nazam : Abid Ali Abid

 0 People liked it
0 Ratings

Kheton mein kam karati hui ladakiyan
jeth ke champai dhup ne
jin ka sona badan
surmai kar diya
jin ko raton mein os aur pale ka bistar mile
din ko suraj saron par jale
ye hare laun mein
sang-e-marmar ke benchon pe baithi hui
un hansi muraton se kaheen khubasurat
kaheen mukhtalif
jin ke jude mein juhi ke kaliyan sajin
jo gulab aur bele ke khushbu liye
aur rangon ke hiddat se pagal phiren
khet mein dhup chunati hui ladakiyan bhi
nai umr ke sabz dahaliz par hain magar
aaaina tak nahi dekhatin
y gulab aur dezi ke hiddat se naashna
khushbuon ke jan lams se bekhabar
phul chunati hain lekin pahanati nahi
in ke malabus mein
tez sarson ke phoolon ke bas
un ke aankhon mein roshan kapas
Poet of the poem or ghazal or Nazam: Ishrat Afreen

 0 People liked it
0 Ratings


Bari mudat sey chaha hey tumhain
Bari duaoon sey paya hai tumhain.
Tumhain bhulaaney ka socho b kasey
Kismat ki lakiron se churaya hai tumhain.!!
`
Lafzon Ke Fasaane Dhondhte Hain Hum Log
Lamhon Mai Zamaane Dhondhte Hain Hum Log
Tu Zehr Hi De Sharaab Keh Kar Saaqi
Jeene Ke Bahaane Dhondhte Hain Hum Log.
`
Raabton, Rishton Mai Uljhan Thi Bohot
Is Nizam-E-Shehr Mai Rehne Ki Himmat Hi Na Ki
Lafz Yeh Logon Mai Raij Tha “Bohot”
Is Liye Is Shehr Mai Hum Ne Mohabbat Hi Na Ki.
`
Har Taraf Aap Ki Yaad Par Laga Ke Pehra
Jee Kara Kar Ke Betha Tha Ke Mat Yad Aye
Nagahan dil kisi baat par aesa dukha,
Mai Bohot Roya, Mujhe Aap Bohot Yad Aye.
`
Duniya To Hai Kaanton Ka Bichona Pyaare
Tum Hum Se Kabhi Hona Na Judaa Pyaare
Aao Mil Kar Dukh Ke Lamhe Kaaten
Ik Jashn Hai Sath Sath Rona Pyaare.
`
Rota Hun To Ahbaab Bura Maante Hain
Hansta Hun To Mujrim Mujhe Gardante Hain
Har Haal Mai Aetiraaz Karne Waale
Nadaan Mere Halaat Kahan Jaante Hain.
`
Lipta Hai Mere Dil Se Kisi Raaz Ki Surat
Wo Shakhs Ke Jis Ko Mera Hona Bhi Nahi Hai
Yeh Ishq-O-Mohabbat Ki Riwayat Bhi Ajab Hai
Paana Bhi Nahi Hai, Usse Khona Bhi Nahi Hai..
`
Dekhte Hain Aaj Hum Us Raah Ki Weeraaniyan
Yaaron Ke Sang Kaati Jahan Hum Ne Zindaganiyan
Guzar Gaya Wo Daur, Bichar Gaye Sab Dost
Sath Reh Gaen To Un Lamhon Ki Kahaniyaan..
`
Kisi Ki Dhun, Kisi Ke Gumaan Mai Rehte Hain
Hum Ek Khuwab Ki Surat Jahan Mai Rehte Hain
Ghamon Ki Dhoop Se Darte Nahi Hain Wo Amjad
Kisi Nigaah Ke Jo Saiybaan Mai Rehte Hain..
`
Jab Rooh Kisi Bojh Se Thak Jaati Hai
Ahsaas Ki Lo Aur Bhi Barh Jaati Hai
Mai Barhta Hun Zindagi Ki Janib Lekin
Zanjeer Si Paon Mai Chanak Jaati Hai..

 0 People liked it
0 Ratings

Meri Kabr Par Aakar Ashk Ghirati Hai
Thi Bewafa Ke Ab Woh Wafa Thehrati Hai
Na The Koi Shikhwe Ke Hum Judaa Ho Gaye
Mere Jaane Ke Baad Kabr Ki Dua Maangti Hai

 0 People liked it
0 Ratings

Gham bade aate hain qatil ki nigahon ki tarah
tum chipa lo mujhe, ae dost, gunahon ki tarah
apni nazaron mein gunahagar na hote, kyon kar
dil hi dushman hain mukhalif ki gvahon ki tarah
har taraf zist ki rahon mein kadi dhup hai dost
bas teri yaad ki saye hain panahon ki tarah
jinake khatir kabhi ilzam uthaye, ‘fakir'
wo bhi pesh aaye hain insaf ki shahon ki tarah
Poet of the poem or ghazal or Nazam: Sudarshan Faakir

 0 People liked it
0 Ratings

Chaman ke baharon mai tha aashiyana
na jane kahan kho gaya wo zamana
tumhen bhulane ke main koshish karunga
ye wada karo ke na tum yad aana
mujhe mere mitane ka gam hai to ye hai
tumhen bevafa kah raha hai zamana
khudara meri qabr pe tum na aana
tumhen dekh kar shaq karega zamana
Poet of the poem or ghazal or Nazam: Qamar Jalalvi

 0 People liked it
0 Ratings

Previous Page

Post Shayari

Next Page

Showing Urdu Shayari 171 - 180 of 265, Page 18 of 27 pages.