Urdu Shayari

Urdu Shayari - A large collection of Urdu Shayari. We and our regular valuable users regularly add their shayari into Urdu Shayari category as well as in other various shayari categories. So We have a best and huge collection of Urdu Shayari and other shayari messages from various shayari categories in various language.

  
Post Urdu Shayari
Name:
Email:
Category:
Shayari :

Enter the code below shown above

List of Urdu Shayari

Showing Urdu Shayari 191 - 200 of 265, Page 20 of 27 pages.

Ek pal mein ek sadi ka maza hum se puchiye
do din ki zindagi ka maza hum se puchiye
bhule hain unhen rafta rafta mudatton mein hum
qishton mein khudkushi ka maza hum se puchiye
aagaz-e-ashiqi ka maza aap janiye
anjam-e-ashiqi ka maza hum se puchiye
jalate diyon mein jalate gharon jaise zau kahan
sarakar raushni ka maza hum se puchiye
wo jan hi gaye ki hamen un se pyar hai
aankhon ki mukhbari ka maza hum se puchiye
hansane ka shauq hum ko bhi tha aap ki tarah
hansiye magar hansi ka maza hum se puchiye
hum tauba kar ki mar gaye bemaut ae ‘khumar'
tauhin-e-maikashi ka maza hum se puchiye
Poet of the poem or ghazal or Nazam:  Khumar Barabankvi

 0 People liked it
0 Ratings

Rah-e-shauq se ab hata chahata hun
koshish husn ke dekhana chahata hun
koi dil-sa dard aashana chahata hun
rah-e-ishq mein rahnuma chahata hun
tujhi se tujhe chinana chahata hun
ye kya chahata hun ye kya chahata hun
khataon pe jo mujh ko mail kare phir
saza aur aisi saza chahata hun
wo makhmur nazaren wo madhosh aankhen
kharab-e-muhabbat hua chahata hun
wo aankhen jhukin wo koi muskuraya
payam-e-muhabbat suna chahata hun
tujhe dhundhata hun teri justaju hai
maza hai khud gum hua chahata hun
kahan ka karam aur kaisi inayat
‘majaz' ab jafa hi jafa chahata hun
Author of The Poem / Ghazal or Nazam :Majaz Lucknawi

 0 People liked it
0 Ratings

Umra E Ishq Naadani Mein Guzar Gayi
Kya Thi Woh Mussarat Ke Dekhne Mein Nikal Gayi

Yun Zamaana Toh Har Waqt Dil Ke Kareeb Tha
Na Jaane Kyun “Masroor” Dariye Se Leher Khisak Gayi

Peene Ka Intezaam Toh Har Shaam Hua Lekin
Aaj Chandni Khud Zameen Par Bikhar Gayi

Chand Ko Toh Badnaam Kiya Tha Usne
Ke Chand Dekhte He Aaj Uski Zubaan Badal Gayi

Kya Sach Se Mulaaqat Karte The Ab
Saari Zindagi Bewafai Mein Nikal Gayi

Kabr Tak Hum Pohach Bhi Na Sake
Raastein Mein Itne Kaatein Ke Maut Bhi Sarak Gayi…

 0 People liked it
0 Ratings

Gesu-e- tabadar ko aur bhi tabadar kar
hosh-o-khirad shikar kar qalb-o-nazar shikar kar
tu hai mahit-e-bekaran main zara si aabaju
ya mujhe ham-kinar kar ya mujhe be-kinar kar
main hun sadaf to tere hath mere gohar ke aabaru
main hun khazaf to tu mujhe gauhar-e-shahawar kar
nagma-e-naubahar agar mere nasib mein na ho
is dam e nim soz ko tairak-e-bahar kar
ishq bhi ho hijab mein husn bhi ho hijab mein
ya tu khud aashakar ho ya mujh ko aashakar kar
bag-e-bahisht se mujhe hukm-e-safar diya tha kyon
kar-e-jahan daraz hai ab mera intazar kar
roz-e-hisab jab pesh ho mera daftar-e-amal
aap bhi sharmasar ho, mujh ko bhi sharmsar kar
Poet of the poem or ghazal or Nazam: Allama Iqbal

 0 People liked it
0 Ratings

Chaman roye hanse shabanam biyaban par nikhar aaye
ek aisa bhi naya mausam mere paravar-digar aaye
wo sar khole hamari lash par divanavar aaye
isi ko maut kahate hain to ya rab bar bar aaye
sar-e-gor-e-gariban aao lekin ye guzarish hai
vahan munh pher kar rona jahan mera mazar aaye
baha ae chashm-e-tar aisa bhi ek aansu nadamat ka
jise daman pe lene rahamat-e-paravar-digar aaye
qafas ke ho liye hum to magar ae ahal-e-gulashan tum
hamen bhi yad kar lena chaman mai jab bahar aaye
na jane kya samajh kar chup hun ae sayyad main varna
wo qaidi hun agar chahun qafas mai bhi bahar aaye
“qamar” dil kya hai main to un ke khatir jan bhi de dun
meri qismat agar un ko na phir bhi aitabar aaye
Poet of the poem or ghazal or Nazam: Qamar Jalalvi

 0 People liked it
0 Ratings

Yahin ke thi mohabbat ke sabaq ke ibtada main ne
yahin ke jurrat-e-izhar-e-harf-e-mudd'a main ne
yahin dekhe the ishv-e-naz-o-andaz-e-haya main ne
yahin pahale suni thi dil dhadakane ke sada main ne
yahin kheton mein pani ke kinare yaad hai ab bhi
dilon mein izdaham-e-arazu lab band rehte the
nazar se guftagu hoti thi dam ulfat ka bharate the
na mathe par shikan hoti, na jab tevar badalate the
khuda bhi muskura deta tha jab hum pyar karte the
yahin kheton mein pani ke kinare yaad hai ab bhi
wo kya aata ke goya daur mein jam-e-sharab aata
wo kya aata rangili ragani rangin rabab aata
mujhe ranginiyon mein rangane wo rangin sahab aata
labon ke mein pilane jhumata mast-e-shabab aata
yahin kheton mein pani ke kinaro yaad hai ab bhi
haya ke bojh se jab har qadam par lagazishen hotin
fazan mein muntasar rangin badan ke larazishen hotin
rabab-e-dil ke taron mein musalasil jumbishen hotin
khifa-e-raz ke purlutf baham koshishen hotin
yahin kheton mein pani ke kinare yaad hai ab bhi
bala-e-fikr-e-farda hum se koson dur hoti thi
surur-e-sarmadi se zindagi mamur hoti thi
hamari khilwat-e-masum rashq-e-tur hoti thi
malak jhula jhulate the gazal-khwan hur hoti thi
yahin kheton mein pani ke kinare yaad hai ab bhi
na ab wo khet baqi hain na wo aab-e-rawan baqi
magar us aish-e-rafta ka hai ik dhundala nishan baqi

 0 People liked it
0 Ratings

Ras mein duba hua laharata badan kya kahana
karavaten leti hui subah-e-chaman kya kahana
bag-e-jannat mein ghata jaise baras ke khul jaye
sondhi sondhi teri khushbu-e-badan kya kahana
jaise laharaye koi shola kamar ke ye lachak
sar basar aatish-e-sayyal badan kya kahana
qamat-e-naz lachakati hui ik qaus-o-e-qazah
zulf-e-shab rang ka chaya hua gahan kya kahana
jis tarah jalva-e-firdaus hawaon se chine
pairahan mein tere rangini-e-tan kya kahana
jalva-o-parda ka ye rang dam-e-nazzara
jis tarah adh-khule ghunghat mein dulhan kya kahana
jagamagahat ye jabin ke hai ke pau phatati hai
muskurahat hai teri subah-e-chaman kya kahana
zulf-e-shabgun ke chamak paikar-e-simen ke damak
dip mala hai sar-e-gang-o-jaman kya kahana
Poet of The Poem or Ghazal or Nazam is Firaq Gorakhpuri

 0 People liked it
0 Ratings

Chalak ke kam na ho aisi koi sharab nahi
nigah-e-nargis-e-r'ana tera javab nahi
zamin jag rahi hai ki inqalab hai kal
wo rat hai koi zarra bhi mahv-e-khvab nahi
zamin us ke falak us ka qayanat us ke
kuch aisa ishq tera khanamakharab nahi
jo tere dard se maharum hai yahan un ko
gam-e-jahan bhi suna hai ki dastayab nahi
abhi kuch aur ho insan ka lahu pani
abhi hayat ke chehare pe aab-o-tab nahi
dikha to deti hai behatar hayat ke sapane
kharab ho ke bhi ye zindagi kharab nahi
Poet of the poem or ghazal or Nazam: Firaq Gorakhpuri

 0 People liked it
0 Ratings

Previous Page

Post Shayari

Next Page

Showing Urdu Shayari 191 - 200 of 265, Page 20 of 27 pages.