Yaad Shayari

Yaad Shayari - A large collection of Yaad Shayari. We and our regular valuable users regularly add their shayari into Yaad Shayari category as well as in other various shayari categories. So We have a best and huge collection of Yaad Shayari and other shayari messages from various shayari categories in various language.

  
Post Yaad Shayari
Name:
Email:
Category:
Shayari :

Enter the code below shown above

List of Yaad Shayari

Showing Yaad Shayari 91 - 100 of 517, Page 10 of 52 pages.

Fasala to hai magar koi fasala nahi
mujhase tum juda sahi dil se to juda nahi
aasman ka fikr kya aasman khafa sahi
aap ye bataiye aap to khafa nahi
kashtiyan nahi to kya hausale to pas hain
kah do nakhudaon se, tum koi khuda nahi
lijiye bula liya aap ko khayalon mein
ab to dekhiye hamen koi dekhata nahi
aaiye chirag-e-dil aj hi jalayen hum
kaisi kal hawa chale koi janata nahi

 0 People liked it
0 Ratings

Gazab kiya, tere wade pe aitabar kiya
tamam raat qayamat ka intezar kiya
hansa hansa ke shab-e-vasl ashk-bar kiya
tasalliyan mujhe de-de ke beqarar kiya
hum aise mahv-e-nazara na the jo hosh aata
magar tumhare tagaful ne hoshiyar kiya
fasana-e-shab-e-gam un ko ek kahani thi
kuch aitabar kiya aur kuch na-aitabar kiya
ye kis ne jalva hamare sar-e-mazar kiya
ki dil se shor utha, hae! beqarar kiya
tadap phir ae dil-e-nadan, ki gair kahate hain
aakhir kuch na bani, sabr ikhtiyar kiya
bhula bhula ke jataya hai unko raz-e-nihan
chipa chipa ke mohabbat ko aashakar kiya
tumhen to vada-e-didar hum se karana tha
ye kya kiya ke jahan ko ummidavar kiya
ye dil ko tab kahan hai ke ho malandesh
unhone wada kiya hum ne aitabar kiya
na puch dil ke haqiqat magar ye kahate hain
wo beqarar rahe jisne beqarar kiya
kuch aage davar-e-mahashar se hai umeed mujhe
kuch aap ne mere kahane ka aitabar kiya

 0 People liked it
0 Ratings

Gale laga ki jo sunate the dil ki aahon ko
taras raha hun unhin ki hasin bahon ko
qadam qadam pe wo aankhen bicha bicha dena
zarur yaad to hoga tumhari rahon ko
duhai hai teri ae rahazan duhai hai
ki aj lut liya rahabar ne rahon ko
mile na phir tere daman mein daag un ki ‘shamim'
sharab-e-nab se dhoya hai jin ki aahon ko

 0 People liked it
0 Ratings

Duri ke gham kuch aur siva ho ke rah gaye
hum un se kya mile ke juda ho ke rah gaye
khoye hue the der se wo meri yaad mein
mujh par nazar padi to khafa ho ke rah gaye
phir doston ko main ne pai mashq de diye
jo tir mujh tak aaye khata ho ke rah gaye
majabur ho ke mangi thi lutf-o-karam ke bhik
lutf-o-karam bhi jor-o-jafa ho ke rah gaye
ab kya raha tere liye ae ishq namurad
ab wo bhi mubtila-e-vafa ho ke rah gaye
ALLAH aaina to kabhi dekh lo ‘khumar'
tum kya the aur ishq mein kya ho ke rah gaye

 0 People liked it
0 Ratings

Har Waqt Muskurana Fitrat Hai Hamari
Ap Hamesha Khush Rhen Hasrat Hai Hamari
Hum Apko Yad Yad Ayen Na Ayen
Apko Yad Krna Adat Hai Hamari

 0 People liked it
0 Ratings

Hasi Ne Labon Pe Thirikna Chod Diya Hai
Khwabon Ne Palkon Pe Aana Chod Diya Hai
Nahi Aati Ab Toh Hichkiya Bhi Shayad
Aap Ne Bhi Yaad Karna Chod Diya Hai

 0 People liked it
0 Ratings

Gham ki barish ne bhi tere naqsh ko dhoya nahi
tune mujh ko kho diya main ne tujhe khoya nahi
neend ka halka gulabi-sa khumar aankhon mein tha
yun laga jaise wo shab ko der tak soya nahi
har taraf divar-o-dar aur un mein aankhon ka hujum
kah sake jo dil ki halat wo lab-e-goya nahi
jurm aadam ne kiya aur nasl-e-adam ko saza
katata hun zindagi bhar main ne jo boya nahi
janata hun ek aise shakhs ko main bhi ‘munir'
gham se pathar ho gaya lekin kabhi roya nahi

 0 People liked it
0 Ratings

Wafa Ka Naam Na Lo Yaron
Wafa Dil Ko Dukahati Hai
Jub Bhi Wafa Ka Naam Lete Hi
Hume Ek Bewafa Ki Yaad Aati Hai

 0 People liked it
0 Ratings

Previous Page

Post Shayari

Next Page

Showing Yaad Shayari 91 - 100 of 517, Page 10 of 52 pages.