Shayari Category  »  Zindagi Shayari

Zindagi Shayari

Zindagi Shayari - A large collection of Zindagi Shayari. We and our regular valuable users regularly add their shayari into Zindagi Shayari category as well as in other various shayari categories. So We have a best and huge collection of Zindagi Shayari and other shayari messages from various shayari categories in various language.

  
Post Zindagi Shayari
Name:
Email:
Category:
Shayari :

Enter the code below shown above

List of Zindagi Shayari

Previous Page

Next Page

Showing Zindagi Shayari 151 - 160 of 281, Page 16 of 29 pages.

Raat Aayi Dard Ki Chaadar Liye Hue
Soye Rahe Yeh Bojh Palkon Par Liye Hue
Raaste Mein Mujhko Be-Ghar Dekh Kar
Dost Aaye Hai Haath Mein Patthar Liye Hue
Aaj Uske Samne Jayenge Hum
Apne Hi Haathon Mein Apna Sir Liye Hue
Meri Aankh Umer Bhar Hasti Rahi
Ek Suhane Khwaab Ka Manzar Liye Hue
Log Aapas Mein Gale Milte Rahe
Aastinon Mein Chhupe Hue Khanzar Liye Hue
Gardishein To Ek Bahana Thi Magar
Khwaahishein Phirti Rahi Dar Dar Liye Hue
Teri Raah Takte Rahe Par Tu Nahi Aayie
Baithe Rahe Teri Mehfil Mein Khali Jaam Liye Hue
Dhalti Dikh Rahi Hai Zindagi Ki Ghadiyaan
Koi Aa Raha Hai Haathon Mein Maut Ka Paigham Liye Hue

 0 People liked it
0 Ratings

Hoti hai tere naam se vahshat kabhi kabhi
barham hui hai yun bhi tabiyat kabhi kabhi
ae dil kise nasib ye taufiq-e-iztirab
milati hai zindagi mein ye rahat kabhi kabhi
tere karam se ae alam-e-husn-e-afrin
dil ban gaya hai dost ke khilvat kabhi kabhi
dil ko kahan nasib ye taufiq-e-iztirab
milati hai zindagi mein ye rahat kabhi kabhi
josh-e-junun mein dard ke tugayaniyon ke sath
ashkon mein dhal gai teri surat kabhi kabhi
tere qarib rah ke bhi dil mutamain na tha
guzri hai mujh pe bhi ye qayamat kabhi kabhi
kuch apana hosh tha na tumhara khayal tha
yun bhi guzar gai shab-e-furqat kabhi kabhi
ae dost hum ne tark-e-muhabbat ke bavajud
mahasus ke hai teri zarurat kabhi kabhi.

 0 People liked it
0 Ratings

Hum Ne To Raaz-E-Ulfat Bhi Chupa Kar Dekh Lia
Khud Ko Tum Se Juda Kar Ke Bhi Dekh Lia
Tum To Mere Ho Kar Bhi Mere Na Ho Sake
Tum Ko Kya, Zindagi Ko Bhi Aazma Kar Dekh Lia

 0 People liked it
0 Ratings

Maut ik geet raat gati thi
zindagi jhum-jhum jati thi
kabhi divane ro bhi padate the
kabhi teri bhi yaad aati thi
kis ke matam mein chand taron se
raat bazm-e-aza sajati thi
rote jate the tere hijr nasib
raat furqat ke dhalati jati thi
khoi khoi si rahati thi wo aankh
dil ka har bhed pa bhi jati thi
zikr tha rang-o-bu ka au' dil mein
teri tasvir utarati jati thi
husn mein thi in aansuon ke chamak
zindagi jin mein muskurati thi
dard-e-hasti chamak utha jis mein
wo hum ahal-e-vafa ke chati thi
tere un aansuon ke yaad aayi
zindagi jin mein muskurati thi
tha sukut-e-faza tarannum-rez
bu-e-gesu-e-yar gati thi
gam-e-janan ho yan gam-e-dauran
lau si kuch dil mein jhil-milati thi
zindagi ko wafa ke rahon mein
maut khud roshni dikhati thi
baat kya thi ki dekhte hi tujhe
ulfat-e-zist bhool jati thi
the na afalak gosh bar aavaz
bekhudi dastan sunati thi
karavaten le ufaq pe jaise subah
koi doshiza ras-masati thi
zindagi zindagi ko vaqt-e-safar
karavan-karavan chupati thi
samane tere jaise koi baat
yaad aa-a ke bhool jati thi
wo tera gham ho ya gam-e-duniya
shamma-si dil mein jhil-milati thi
gham ke wo dastan-e-nim-shabi
aasmanon koo neend aati thi
maut bhi gosh bhar sada thi “firaq”
zindagi koi geet gati thi

 0 People liked it
0 Ratings

Mushkilen Dil K Irade Aazmayen Gi
Nigahon Se Khuwabon K Parde Hataye Gi
Gir Kar Kabhi Himat Na Harna
Yehi Thokren Tumhain Zindagi Main Chalna Sikhayen Gi

 0 People liked it
0 Ratings

Khub pehchan lo asrar hun main
jins-e-ulfat ka talabgar hun main
ishq hi ishq hai duniya meri
fitana-e-aql se bezar hun main
chedati hai jise mizarab-e-alam
saz-e-fitarat ka wohi tar hun main
aib jo hafiz-o-khayyam mein tha
han kuch is ka bhi gunahgar hun main
zindagi kya hai gunah-e-adam
zindagi hai to gunahgar hun main
meri baton mein masihai hai
log kahate hain ki bimar hun main
ek lapakata hua shola hun main
ek chalati hui talavar hun main

 0 People liked it
0 Ratings

Dekha hai zindagi ko kuch itna qarib se
chehare tamam lagane lage hain ajeeb se
is rengati hayat ka kab tak uthayen bar
bimar ab ulajhane lage hain tabib se
har gham par hai majama-e-ushshaq muntazir
maqtal ki rah milati hai ku-e-habib se
is tarah zindagi ne diya hai hamara sath
jaise koi nibah raha ho raqib se
ae ruh-e-asar jag kahan so rahi hai tu
aavaz de rahe hain payambar salib se

 0 People liked it
0 Ratings

Sar se chadar badan se qaba le gai
zindagi hum faqiron se kya le gai
meri mutthi mein sukhe huye phul hain
khushbuon ko udakar hawa le gai
main samundar ke sine mein chattan tha
raat ek mauj aayi baha le gai
hum jo kagaz the ashkon se bhige huye
kyon chiragon ke lau tak hawa le gai
chand ne raat mujhko jaga kar kaha
ek ladaki tumhara pata le gai
meri shoharat siyasat se mahafus hai
ye tavayaf bhi ismat bacha le gai

 0 People liked it
0 Ratings

Previous Page

Post Shayari

Next Page

Showing Zindagi Shayari 151 - 160 of 281, Page 16 of 29 pages.