Zindagi Shayari

Zindagi Shayari - A large collection of Zindagi Shayari. We and our regular valuable users regularly add their shayari into Zindagi Shayari category as well as in other various shayari categories. So We have a best and huge collection of Zindagi Shayari and other shayari messages from various shayari categories in various language.

  
Post Zindagi Shayari
Name:
Email:
Category:
Shayari :

Enter the code below shown above

List of Zindagi Shayari

Showing Zindagi Shayari 221 - 230 of 281, Page 23 of 29 pages.

Zindagi tujh se mil kar zamana hua
aa tujhe aj hum maikade le chalen
raat ke naam honton ke sagar likhen
apni aankhon mein kuch rat-jage le chalen
kya hassin log hain
aankh aahon ke hain aur lab pankhadi
in ke aaraish-e-khal-o-khat ke liye
apni aankhon ke hum aaine le chalen
ajanabi chehare mein dost banate nahi
rishte-naton ke chandi barasti nahi
qurbaten sohabaten jin ke yaad aayengi
aise kuch doston ke pate le chalen
un ke aankhon ne jalate sulagte hue
manzaron ke siva kuch bhi dekha nahi
chehara-e-afsos ke sakinon ke liye
phul-o-khushbu saba zam-zamen le chalen
zindagi tujh se mil kar zamana hua
Poet  of  the Poem or Ghazal or Nazam is Zubair Rizvi

 0 People liked it
0 Ratings

Phir is duniya se ummid-e-vafa hai
tujhe ae zindagi kya ho gaya hai
badi zalim nihayat bevafa hai
ye duniya phir bhi kitni khush-numa hai
har ik apne hi gham mein mubtila hai
kisi ke dard se kon aashna hai
mere naqqad meri shayari to
mere tute huye dil ke sada hai
kahan hun “shad” main to shad sa hun
wo shad-e-khush-nava to mar chuka hai

 0 People liked it
0 Ratings

Wo dil navaz hai nazar shanas nahi
mera ilaj mere charagar ke pas nahi
tadap rahe hain zaban par kai saval magar
mere liye koi shayan-e-iltamas nahi
tere ujalon mein bhi dil kanp kanp uthta hai
mere mizaj ko aasudagi bhi ras nahi
kabhi kabhi jo tere qurb mein guzri the
ab un dinon ka tasavvur bhi mere pas nahi
guzar rahe hain ajab marhalon se dida-o-dil
sahar ke aas to hai zindagi ke aas nahi
mujhe ye dar hai ki teri aarzoo na mit jaye
bahut dinon se tabiyat meri udas nahi

 0 People liked it
0 Ratings

Sakut-e-sham mitao bahut andhera hai
sukhan ke shama jalao bahut andhera hai
dayar-e-gam mein dil-e-beqarar chut gaya
sambhal ke dhudhane jao bahut andhera hai
ye raat wo ke sujhe jahan na hath ko hath
khayalo dur na jao bahut andhera hai
laton ko chehare pe dale wo so raha hai kaheen
zaya-e-rukh ko churao bahut andhera hai
havayen nim shabi hon ki chadar-e-anjum
naq aab rukh se uthao bahut andhera hai
shab-e-siyah mein gum ho gai hai rah-e-hayat
qadam sambhal ke uthao bahut andhera hai
guzashta ahd ke yadon ko phir karo taza
bujhe chirag jalao nahut andhera hai
thi ek uchakati hui neend zindagi usaki
‘firaq' ko na jagao bahut andhera hai

 0 People liked it
0 Ratings

Ye daulat bhi le lo, ye shoharat bhi le lo
bhale chin lo mujhase meri javani
magar mujhko lauta do bachpan ka savan
wo kagaz ke kashti, wo barish ka pani
muhalle ke sabase nishani purani
wo budhiya jise bache kahate the nani
wo nani ke baton mein pariyon ka dera
wo chahare ke jhuriryon mein sadiyon ka phera
bhulaye nahi bhool sakata hai koi
wo choti si raten wo lambi kahani
kadi dhup mein apne ghar se nikalana
wo chidiya wo bul-bul wo titali pakadana
wo gudiya ke shadi mein ladana jhagadana
wo jhulon se girna wo gir ke sambhalana
wo pital ke challon ke pyare se tohafe
wo tuti hui chudiyon ke nishani
kabhi ret ke unche tilon pe jana
gharonde banana banake mitana
wo masum chahat ke tasvir apni
wo khwabon khilaunon ke jagir apni
na duniya ka gham tha na rishton ke bandhan
badi khubasurat thi wo zindagani

 0 People liked it
0 Ratings

Zindagi ek kiraye ka ghar hai ek na ek din badalana padega
maut jab hum ko aavaz degi ghar se bahar nikalana padega
dher matti ka har aadmi hai bad marane ke hona yahi hai
ya zaminon mein turbat banenge ya chitaon pe jalana padega
raat ke bad hoga savera dekhana hai agar tum ko din sunehara
paon phoolon pe rakhane se pahale tum ko kanton pe chalana padega
aitabar un ke vadon ka mar kar warna ae dil mere zindagi bhar
tujh ko bhi mombatti ke tarah qatara qatara pighalana padega
ye javani hai pal bhar ka sapana dhund le koi mahbub apna
ye javani agar dhal gai to umr bhar hath malana padega

 0 People liked it
0 Ratings

Beqarari si beqarari hai
din bhi bhari hai raat bhari hai
zindagi ke bisat par aksar
jiti bazi bhi hum ne hari hai
todo dil mera shauq se todo
cheez meri nahi tumhari hai
bar-e-hasti utha saka na koi
ye gam-e-dil jahan se bhari hai
aankh se chup ke dil mein baithe ho
hae kaisi ye parda-dari hai

 0 People liked it
0 Ratings

Duniya Me Haqiqat Ka Pta Kuch Nahi
Ilzam Hazaro H Khataa Kuch Nahi
Meri Zindgi Mei Kya H Padh Na Sakoge
Bas Ashqo Ke Daag H Aur Likha Kuch Nahi

 0 People liked it
0 Ratings

Previous Page

Post Shayari

Next Page

Showing Zindagi Shayari 221 - 230 of 281, Page 23 of 29 pages.