Dil Shayari

Meri zindagi pe na muskara mujhe zindagi ka alam nahi
jise tere gham se ho vasta wo khizan bahar se kam nahi
mera kufr hasil-e-zud hai mera zud hasil-e-kufr hai
meri bandagi wo hai bandagi jo rahin-e-dair-o-haram nahi
mujhe ras aaye khuda kare yahi ishtibah ke saaten
unhen aitabar-e-vafa to hai mujhe aitabar-e-sitam nahi
wohi karavan wohi raste wohi zindagi wohi marahale
magar apane-apane muqam par kabhi tum nahi kabhi hum nahi
na wo shan-e-jabr-e-shabab hai na wo rang-e-qahar-e-itab hai
dil-e-beqarar pe in dinon hai sitam yahi ki sitam nahi
na fana meri na baqa meri mujhe ae ‘shakeel' na dhundiye
main kisi ka husn-e-khayal hun mera kuch vujud-o-adam nahi

 2 People liked it

Wo ishq jo hum se ruth gaya ab us ka hal batayen kya
koi mehar nahi koi qahar nahi phir sacha sher sunayen kya
ik hijr jo hum ko lahak hai ta der use doharayen kya
wo zeher jo dil mein utar liya phir us ke naz uthayen kya
ik aag gam-e-tanhai ke jo sare badan mein phail gai
jab jism hi sara jalta ho phir daman-e-dil ko bachayen kya
hum nagmasara kuch ghazlon ke hum suratgar kuch khwabon ke
bejazba-e-shauq sunayen kya koi khwab na ho to batayen kya

 1 People liked it

Aj kisi ne baton baton men, jab un ka nam liya
dil ne jaise thokar khai, dard ne badakar tham liya
ghar se daman jhad ke nikale, vahashat ka saman na puch
yani gard-e-rah se hamane, rakht-e-safar ka kam liya
divaron ke saye-saye, umr bitai divane
muft mai tanasani-e-gam ka apne par ilzam liya
rah-e-talab mai chalate chalate, thank ke jab hum chur huye
zulf ke thandi chanv mai baithe, pal do pal aaram liya
honth jalen ya sina sulage, koi taras kab khata hai
jam usi ka jisane ‘taban', jur'at se kuch kam liya

 0 People liked it

Tera chehara kitna suhana lagata hai
tere aage chand purana lagata hai
tirache tirache tir nazar ke lagate hain
sidha sidha dil pe nishana lagata hai
aag ka kya hai pal do pal mein lagti hai
bujhate bujhate ek zamana lagata hai
sach to ye hai phul ka dil bhi chalani hai
hansata chehara ek bahana lagata hai

 2 People liked it