Shayari Category  »  Zindagi Shayari

Zindagi Shayari

Zindagi Shayari - A large collection of Zindagi Shayari. We and our regular valuable users regularly add their shayari into Zindagi Shayari category as well as in other various shayari categories. So We have a best and huge collection of Zindagi Shayari and other shayari messages from various shayari categories in various language.

  
Post Zindagi Shayari
Name:
Email:
Category:
Shayari :

Enter the code below shown above

List of Zindagi Shayari

Previous Page

Next Page

Showing Zindagi Shayari 121 - 130 of 281, Page 13 of 29 pages.

Har bezaban ko sholanava kah liya karo
yaro sukut hi ko sada kah liya karo
khud ko fareb do ki na ho talkh zindagi
har sangdil ko jane-e-vafa kah liya karo
gar chahate ho khush rahen kuch bandagan-e-khas
jitne sanam hain un ko khuda kah liya karo
insan ka agar qad-o-qamat na badh sake
tum is ko nuqs-e-ab-o-hava kah liya karo
apne liye ab ek hi rah-e-nijat hai
har zulm ko raza-e-khuda kah liya karo
le de ke ab yahi hai nishan-e-ziya “qateel”
jab dil jale to us ko diya kah liya karo

 0 People liked it
0 Ratings

Ik tum ke dil mein dard kisi gair ke liye
ik hum ke dard ban gaye khud aap ke liye
hum apne aashiyane mein tere muntazir
tum tinke chun rahe the kisi aur ke liye
hum janate hain dil mein tumhare nahi hain hum
jo khat tumhari aankhon mein the hum ne padh liye
gham hai ke tu ne lut liya aitamad ko
ik daag de diye hain hamen umr ke liye
qatil ke is ada pe bhi qurban jaye
khud de ke zeher aankhon mein aansu bhi bhar liye
thi kon si khata ke mili jis ke ye saza
hum ne to umr bhar tere nqash-e-qadam liye
“azra” ye mana bojh hai ab tujh pe zindagi
par zindagi to teri nahi hai tere liye

 0 People liked it
0 Ratings

Tarz jine ka sikhati hai mujhe
tashnagi zeher pilati hai mujhe
raat bhar rahati hai kis baat ke dhun
na jagti hai na sulati hai mujhe
ruthata hun jo kabhi duniya se
zindagi aake manati hai mujhe
aaina dekhun to kyunkar dekhun
yaad ik shakhs ke aati hai mujhe
band karta hun jo aankhen kya kya
roshani si nazar aati hai mujhe
koi mil jaye to rasta kat jaye
apni parachai darati hai mujhe
ab to ye bhool gaya kis ke talab
des parades phirati hai mujhe
kaise ho khatm kahani gham ke
ab to kuch neend si aati hai mujhe

 0 People liked it
0 Ratings

Teri mahafil se uthakar ishq ke maron pe kya guzri
mukhalif ik jahan tha jane becharon pe kya guzri
sahar ko rukhsat-e-bimar-e-furqat dekhane valo
kisi ne ye bhi dekha raat bhar taron pe kya guzri
suna hai zindagi viraniyon ne lut li milakar
na jane zindagi ke nazbaradaron pe kya guzri
hansi aayi to hai bekaif si lekin khuda jane
mujhe masarur pakar mere gamkhvaron pe kya guzri
asir-e-gam to jan dekar rihai pa gaya lekin
kisi ko kya khabar zindan ke deewaron pe kya guzri

 0 People liked it
0 Ratings

Aoo Kabhi Milne Ko Bahana Nahi Acha,
Nazron Mein Raho Meri , Zamana Nahi Acha.
Mango Jo Khushi Se To Dil-0-Jan Luta Doon,
Youn Chup K Mere Dil Ko Churana Nahi Acha.
Ham Aaj Bhi Kaayil Hain Usi Baat K Yaro,
Jab Dil Na Milain , Hath Milana Nahi Acha.
Do Din Ki Zindagi Hai Usay Hans K Guzaro,
In Keemti Lamhon Ko Ganwana Nahi Acha.

 0 People liked it
0 Ratings

Kon kehta hai mohabbat ke zuban hoti hai
ye haqiqat to nigahon se bayan hoti hai
wo na aaye to satati hai khalish si dil ko
wo jo aaye to khalish aur jawan hoti hai
ruh ko shad kare dil ko jo puranur kare
har nazare mein ye tanvir kahan hoti hai
zabt-e-sailab-e-mohabbat ko kahan tak roke
dil mein jo baat ho aankhon se ayan hoti hai
zindagi ek sulagati si chita hai “sahir”
shola banti hai na ye bhuj ke dhuan hoti hai

 0 People liked it
0 Ratings

Kal na main itna bura tha kya hua
tera dil bhi aaina tha kya hua
zindagi mein mod kitne aa gaye
ye to sidha rasta tha kya hua
bheed q hai aashiyan ke aas pas
ek shola sa uthta tha kya hua
ye imarat aj q viran hai
is jagah par ek khuda tha kya hua
q “naseem” ab maikade jane lage
aadmi to parasa tha kya hua

 0 People liked it
0 Ratings

Yun dosti ke naam ko rusava na kijiye
tark-e-ta'alluqat ka charcha na kijiye
jurm-o-sitam ka pas bhi ulfat mein shart hai
palkon ko aansuon se bhigoya na kijiye
aisa na ho umeed se rishta hi toot jaye
har roz mujhase vada-e-farda na kijiye
hamdard jis ko apna samajhate rahe hain aap
us ka hi zindagi mein bharosa na kijiye
“mahir” vafur-e-gam se na ghabaraiye kabhi
khuddari-e-hayat ko rusava na kijiye

 0 People liked it
0 Ratings

Previous Page

Post Shayari

Next Page

Showing Zindagi Shayari 121 - 130 of 281, Page 13 of 29 pages.